د مالیې وزیر د کندهار، هلمند او هرات ولایتونو له یو شمېر سوداګرو سره وکتل!
د مالیې وزیر الحاج ملا محمد ناصر اخوند د کندهار ولایت د سوداګرۍ خوني له مسؤلینو او یو شمېر سوداګرو سره وکتل.
په دې کتنه کي، چي د مالیې وزارت یو شمېر رئیسانو هم ګډون درلود؛ په ګمرکونو کي د اموالو پر چټکو طي مراحلو، د تېلو ټانکونو د مالیاتو او همدا رنګه د برسۍ اړوند مسايلو په تړاو خبري وسوې او یادو سوداګرو د خپلو چارو پر مخ پرتي ستونزي او غوښتني هم د مالیې له وزیر سره شریکي کړې.
د مالیې وزیر الحاج ملا محمد ناصر اخوند ډاډ ورکړ، چي پوره هڅه او کوښښ به وکړي؛ چي د سوداګرو ټولو ستونزو ته پر وخت او ښه ډول رسېدنه وسي.
په پای کي د مالیې وزیر، له یادو مسؤلینو او سوداګرو څخه غوښتنه وکړه؛ چي خپلي ستونزي او غوښتني په لیکلې بڼه، د عالیقدر امیر المؤمنین (حفظه الله) په حکم د مالیې وزارت او سوداګرۍ خوني ګډي جوړي سوي کمېټې سره، چي د سوداګرو ستونزو ته د رسېدني په موخه جوړه سوې شریکي کړي؛ تر څو پر وخت او عملي ډول ورته رسېدنه وسي.
