په ۱۴۰۲ مالي کال کي د مالیې وزرات مهمي پراختیایي پروژې او فعالیتونه!

مالیې وزارت ته په (۱۴۰۲) مالي کال کي (۱) میلیارډ او (۵۰۵) میلیونه افغانۍ پراختیایي بودیجه منظوره سوې وه.
په ملي کچه د مالیې وزارت لومړیتوب لرونکي مهمي عایداتي پراختیایي پروژې په لاندي ډول وې:
د ګمرکونو عصري کولو پروژه (بیارغونه، د بریښنایي سیسټمونو رامنځته کول او مسلکي ظرفیت لوړونه).
د ملي بودیجې د  پلانګذارۍ او اجراء سیسټم (SBPS) د ساتني، سمون او پراختیا  پروژه.
 د ملي بودیجې د (DAD) سیسټم کلنی فیس، بودیجه جوړونه او د تخصصي کارکوونکو د لګښتونو پروژه.
د ارزښت لرونکو سندونو( پاسپورت) د چاپ پروژه. د عوایدو د لوی ریاست لپاره د ټکنالوژيکي وسایلو او دفتري تجهیزاتو برابرولو پروژه. د مرکز د کوچنیو او سترو مالیه ورکوونکو د مالیاتي حوزو د بیارغوني پروژه. د عوایدو د لوی ریاست د سیسټمونو د ښه والي، ظرفیت لوړوني او عامه پوهاوي پروژه.
د ولایتي مستوفیتونو لپاره د لمریزي برېښنا سیسټم چمتو کولو پروژه. د ولایتي مستوفیتونو لپاره د نويو ټکنالوژيکي وسایلو او دفتري تجهیزاتو پروژه. پورته پروژې ځينې تکمیل سوي او د ځینو کارونه لا روان دي.