د هرات، نیمروز او فراه ولایتونو د ګمرکونو چاري و ارزول سوې!
د مالیې وزارت د ګمرکونو لوی ریاست د عملیاتي مرستیال نقیب الله عابد په مشرۍ یوه تخنیکي پلاوي هرات، نیمروز او فراه ولایتونو ته رسمي سفر وکړ او د یادو ولایتونو د ګمرکونو چاري ئې له نږدې و ارزولې.
دغه تخنیکي پلاوي د ذکر سوو ولایتونو د ګمرکونو د ورځنیو چارو په مخ کي پرتې ستونزي په ګوته کړې او د حل لپاره ئې اړوندو مسؤلینو ته لازم هدایات وکړل.
د پلاوي د سفر موخه پر خپل وخت سره د ګمرکونو د کارکوونکو او سوداګرو ستونزو ته رسېدنه او په سمه توګه د ګمرکي اصولو پلي کول دي.
د یادوني وړ ده، چي د ګمرکونو لوی ریاست تخنیکي ټیمونو له دې وړاندي هم د ولایتي ګمرکونو د چارو د ارزوني په موخه سفرونه کړي دي او د سفرونو دا لړۍ به په راتلونکي کي هم دوام ولري.
