د مالیې وزارت په اداري ناسته کي د اداري سیسټمونو پر لا پیاوړتیا خبري وسوې!
د مالیې وزارت د اداري معین مولوي دوست محمد مخلص په مشرۍ د دغه وزارت اداري ناسته د بېلابېلو برخو د رئیسانو په ګډون ترسره سوه.
د مالیې وزارت اداري معین د ناستي په پیل کي د ښکېلو ریاستونو د مثبتو کړنو ستاینه وکړه او په چارو کي د لا ښه والي او پرمختګ په موخه ئې له مسئولینو سره اصلاحي لارښووني شریکي کړې.
په دغه ناسته کي د چارو د لا ښه والي په موخه د لا ډېرو اسانتیاوو پر رامنځته کولو، اداري سیسټمونو ته د لا پراختیا په ورکولو، د چارو د لا اغېزمنتوب په موخه د اړوندو ریاستونو ترمنځ د ښې همغږۍ پر زیاتېدو او د تېر کال د نیمګړتیاوو پر اصلاح بحثونه وسول او د ځينو موضوعاتو په تړاو لازمي پرېکړي وسوې.
د یادوني وړ ده، چي د مالیې وزارت په هره اداري ناسته کي د دغه وزارت د بېلابېلو ریاستونو د چارو ارزونه، د نیمګړتیاوو پر بشپړولو او ستونزو ته د حل لارو پر موندلو بحث کېږي.
