دوه اړخیزه اقتصادي همکاري د مالیې وزارت سرپرست او ازبکستان لومړي وزیر مرستیال د خبرو محور وو
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د نړیوال بانک او پیسو نړیوال صندوق ۲۰۱۹ کال پسرلنۍ ناستو کې د ګډون په مهال د څنډو ناستو په دوام د وري میاشتې په ۲۳ مه نېټه د ازبکستان لومړي وزیر له مرستیال ښاغلي جمشید قوچقاروف، سره ولیدل.
په دې لیدنه کې دواړو لوریو د دواړو هیوادونو ترمنځ د اقتصادي او سوداګریزو همکاریو په پراخېدو، رېل کرښې په پروژې، د نساجي صنایع لپاره د پانګونې په جلب، د انرژۍ او رېل کرښې په برخو کې د هغه هیواد په پانګونه او نورو وړ مسائلو په اړه بحث او د نظرونو تبادله وشوه.
د یادونې وړده، چې د ازبکستان لوري یوځل بیا له افغانستان د مرستو په دوام ټینګار وکړ.
