د ابونصر فراهي، نيمروز او هرات د ګمرک کارکوونکو ته روزنيز سيمينار پيل سو!
د چنګاښ۳مه ۱۴۰۴هـ.ل
د ماليې وزارت د ګمرکونو او عواید ملي اکاډمۍ له تدريسي پلان سره سم، د ابونصر فراهي، نيمروز او هرات ولایت د ګمرک (۳۰) تنو کارکوونکو له پاره يو مياشتنى روزنيز سيمينار د هرات ګمرک د کنفرانسونو په تالار کي پیل سو.
د دغه سیمینار په اوږدو کي به ګډونوالو ته د ګمرکونو قانون، ګمرکي طرزالعملونه، د ګمرکونو د بېلابېلو برخو د دندو لايحه، د وارد سویو توکو د پروسې طريقه، مالياتي کوډونه او د ارزوني څرنګوالی، د اعلان او (T1) فورمونو بشپړه تشرېح او نور اړوند موضوعات په عملي او نظري بڼه تدريس سي، چي ورسره به په اړوندو برخو کي د کارکوونکو وړتیاوي لوړي او په چارو کي به لا ډېر سمون رامنځته سي.
