د کابل هوايي ډګر ګمرک کارکوونکو ته جوړ سوی روزنیز پروګرام پای ته ورسېد!
د چنګاښ ۳۰مه ۱۴۰۴هـ.ل
د مالیي وزارت د ګمرکونو او عوایدو ملي اکاډمۍ له تدریسي پلان سره سم د کابل هوايي ډګر د ګمرک کارکوونکو ته جوړ سوی (۲۶) ورځنی روزنیز پروګرام پای ته ورسېد.
د دغه پروګرام په لړ کي ګډونوالو ته د مجربو ښوونکو له لوري ګمرکي قوانین، ګمرکي اصطلاحات، د مسافرینو د مجازو اموالو او زینتي زېوراتو د انتقال طرزالعملونه، د سرو زرو د لنډمهال صادراتو طرزالعملونه، د ګمرکي عوارضو لارښود او یو شمېر نور اړوند اړین موضوعات تدریس او تشرېح سول.
د یادوني وړ ده، چي د دغه پروګرام ګډونوال (۲۰)تنه وو او په ترسراوي سره به ئې د یادو کارکوونکو وړتیاوي لوړي او په کاري پروسو کي به د پام وړ رونټيا او پرمختګونه رامنځته سي.
