روساء جدید التقرر وزارت مالیه معرفی گردیدند
به اساس حکم مقام عالی ریاست جمهوری به منظور پیشبرد هرچه بهتر امور، محترم عبدالله یوسفزی به حیث رئیس تنفیذ قانون ریاست عمومی گمرکات، محترم عبدالله حارث به حیث رئیس گمرک کابل و محترم اسدالله امین، به حیث رئیس بررسی تقلب و سیستم های ریاست عمومی تفتیش داخلی وزارت مالیه تعیین و امروز مؤرخ ۱۹ جوزا ۱۳۹۸ رسماً توسط محترم عبدالحبیب ځدران، سرپرست معینیت اداری، محترم مقبول احمد، رئیس عمومی دفتر مقام و محترم رشاد پوپل رئیس عمومی گمرکات وزارت مالیه به کارمندان این وزارت معرفی گردیدند
رهبری وزارت مالیه ضمن تشکری از رؤسای قبلی ریاست های متذکره برای روساء جدید التقرر در تمام امور محوله آرزوی مؤفقیت نمود.
