نشست حمایوی وزارت مالیه از پیشه‌وران و دکانداران برگزار گردید

admin_mof
سه‌شنبه ۱۴۰۱/۶/۲۹ - ۱۶:۱۵
خبر

له کسبګرو او دوکاندارانو څخه د مالیې وزارت د عوایدو عمومي ریاست ملاتړ غونډه نن په انټرکانټینینټال هوټل کي د لوړو پوړو دولتي چارواکو په ګډون ترسره سوه.

په دې غونډه کي چي د مالیې وزیر الحاج ملاهدایت الله بدري، د رئیس الوزراء مرستیال مولوي عبدالسلام حنفي، د صنعت او سوداګرۍ وزیر نور الدین عزیزي، د عواید عمومي رئیس معراج محمد معراج، رئیسانو، مستوفیانو، کسبګرو د ټولني استازو، د پوهنتون استادانو او د مالیې وزارت کارکوونکو ګډون کړی وو.

په پیل کي د مالیې وزیر الحاج ملاهدایت الله بدري، ګډونوالو ته د ښه راغلاست ترڅنګ وویل: خوښ یم چي د مالیې وزارت له لوري، د هیواد د اقتصادي خوځښت د یوې ستري کتلې (کسبګر او دوکاندارانو) د ملاتړ په دې ناسته کي ګډون کوم. د مالیې وزارت یوه ستره موخه د سوداګرو، پانګوالو او کسبګرو ملاتړ کول دي، چي بېلګه یې د مالیې د نورم راښکته کول دي. د مالیې وزارت په دې موخه غوره خدمتونه وړاندي کړي، چي د ژوند سهولتونه رامنځته سي، په بازارونو کي قیمتونه مناسب وساتل سي، د مالیه ورکوونکو د مالیې تثبیت په شفاف ډول ترسره سي او د اصنافو په مالیه کي له ټولو سره یو شان چلند وسي. نوموړي زیاته کړه، چي د مالیې وزارت دروازې د خلکو پرمخ پرانیستي دي، هره هغه ستونزه به له منځه یوسوؤ، چي مالیه ورکوونکي ورسره مخ وي. نوموړي؛ له مالیه ورکوونکو څخه هم هیله وکړه، چي د مالیې په تثبیت کي مرسته وکړي او په مشترک ډول له روانو ناخوالو هیواد وباسو او اقتصادي پرمختګ رامنځته سي.

خبر

ورپسې د عواید عمومي رئیس معراج محمد معراج، د ملي عوایدو پر عمومي وضعیت رڼا واچوله وې ویل، چي موږ په بشپړ اخلاص د کسبګرو، دوکاندارانو، ملي سوداګرو او پانګوالو ملاتړ کوو، تسهیلات ورته رامنځته کوو او هڅه وو یې چي خپل عواید له دولت سره شریک کړي. ده زیاته کړه؛ اسلام امارت پر خپلو ژمنو ولاړ دئ، چي د مالیې د نورم په نیم کښته کولو او د وزارت په کچه د فساد په کمولو سره یې دا ثابته کړې هم ده. ده زیاته کړه، چي له خپلو ملي عوایدو د ملي بودیجې بشپړول کلک هوډ، ګډي همکارۍ، ملي احساس او یوې پیاوړي ارادې ته اړتیا لري او د مالیه ورکوونکو پر مټ دا کار هم ثابت سو. نوموړي، له کسبګرو او مالیه ورکوونکو سره ژمنه وکړه، چي ستاسو یوه افغانۍ به هم بې ځایه ونه لګول سي، خو که تاسو یوه افغانۍ مالیه بې ځایه ضایع کوئ، په دې معنی چي د ۴۰ میلیونه انسانانو حق مو خوړلی دئ.

د رئیس الوزراء مرستیال مولوي عبدالسلام حنفي، هم د کسبګرو او دوکاندارانو د کړنو د ارزښت بیانولوترڅنګ زیاته کړه، چي د کابینې د ځانګړې لورېیني له مخي د مالیاتي نورم را کمول یو نېک کار دئ. دغه چاره په بازارونو کي د خوراکي توکو پر ارزښت هم اغېز کوي، هیله ده چي دوکانداران یې عملي کړي او ملت یې هم ګټي حس کړي. ده زیاته کړه، چي د دولت او سوداګرو له لوري د ملت په حق کي هر نېک کار باید وستایل سي او یو د بل پر مټ ملت او دولت په پښو ودروو. 

خبر

د کابل د اصنافو د اتحادیې رئیس صدیق الله قریشي، هم خبري وکړې او زیاته یې کړه، چي له دولت سره د خلکو همکاري او شتون ناکامي نه ده، بلکي دا ملت له مجاهدینو سره اوږه پر اوږه درېدلی او اوس د غوره کاري فرصت تمه ترې لري. ده زیاته کړه، چي خلک مالیه جبري بولي، ځکه چي تېرو نظامونو بنسټیز کار نه دئ ورته کړی او اوس له تاسو د عدالت او انصاف غوښتنه کوي، ترڅو د ورکړي مالیې ګټي په سترګو وویني.

خبر

هېره دي نه وي، چي په دې ناسته کي یو شمېر ګډونوالو د مالیو د ورکړي، پر ارزښت، اسلامي اړخ، نړیوالو معیارونو او اوسني وضعیت ته په کتو په خپل وار پراخي ویناوي وکړې او پای کي یو شمېر مستوفیانو ته د دوی د ښو کړنو له کبله ستاینلیکونه هم ورکړل سول

تازه ترین اخبار

چهارشنبه ۱۴۰۱/۷/۶ - ۱۲:۰
Background image

سمینار آگاهی قوانین مالیاتی از جانب وزارت مالیه دایر گردید

ریاست عمومی عواید وزارت مالیه سمینار یک روزه آگاهی از قوانین، طرزالعمل ها، رهنمودها، لوایح، سیستم ها و دستاوردهای مالیاتی را

چهارشنبه ۱۴۰۱/۷/۶ - ۱۱:۴۲
Background image

رئیس عمومی گمرکات با شماری از تاجران و صنعتکاران ولایت بلخ دیدار کرد

مفتی عبدالمتین سعید رئیس عمومی گمرکات وزارت مالیه به منظور ارزیابی گمرک بلخ طی یک سفر رسمی به این ولایت رفته بود، که با

سه‌شنبه ۱۴۰۱/۷/۵ - ۱۶:۲۰
Background image

کشف و ضبط مبایل ها بدون محصول در گمرک تورخم

قطعه محافظت گمرکات وزارت مالیه در گمرک تورخم (۱۴۶) سیت مبایل همراه را که محصول آن تحویل نشده بود کشف و ضبط نموده اند.

بازگشت به صفحه خبر