د اسلام کلا، نیمروز او ابو نصر فراهي ګمرکونو خدمتونه ۱۶ ساعته سول!
د افغانستان اسلامي امارت پلاوي او د ایران اسلامي جمهوریت د مسؤلینو ترمنځ هوکړه سوې، چي له دې وروسته به د اسلام کلا، نیمروز او ابو نصر فراهي او د ایران لوري ته درې مقابل ګمرکونه سوداګرو ته (۱۶) ساعته ګمرکي خدمتونه وړاندي کوي.
د دې هوکړي له مخي به د دواړو هیوادونو ټاکل سوي ګمرکونه هره ورځ د افغانستان پر وخت د سهار له (۸ بجو څخه د شپې تر ۱۲ بجو) پوري د سوداګریزو محمولو پر مخ خلاص وي او ګمرکي طی مراحل به ئې تر سره کېږي.
همدا شان به د دې هوکړي له مخي هره ورځ د دواړو هیوادونو تر منځ په مساویانه ډول (۱۲) سوه بار وړونکي محمولې تګ راتګ کوي، چي دا شمېر به شل ورځي وروسته (۱۵) سوه محمولو او درې میاشتي وروسته به دوه زره محمولو ته لوړ سي.
د دواړو هیوادونو ترمنځ د ترسره سوي هوکړي او د دغي چاري د عملي پیلېدو په پایله کي به په افغانستان کي سوداګري لا وده وکړي او تر څنګ به ئې سوداګرو ته د توکو د پړاوونو ترسره کولو په برخه کي زیاتي اسانتیاوي
هم رامنځته سي
