د ولایتې مستوفیتونو د قطعیې ۳۵ تنو کارکوونکو له پاره روزنیز پروګرام پیل سو!
د مالیې وزارت د ګمرکونو او عوايدو ملي اکاډمۍ د (۱۴۰۳هـ.ل) کال له تدریسي پلان سره سم، د روزنیزو پروګرامونو په لړ کي د ولایتي مستوفیتونو د قطعیې (۳۵) تنو کارکوونکو له پاره د عوایدو د قطعیې راپور جوړولو، (م۲۷)، (م۲۹)، (م ۳۰) باقیاتو راپورونو او مدیریت د اساساتو تر سرلیک لاندي روزنیز پروګرام پیل سو.
په همدې تړاو جوړه سوې غونډه کي د مالیې وزارت د عوایدو لوی ریاست حمایوي مرستیال مولوي منصور الحق ذاکر د مالیې وزارت د ظرفیت لوړولو آمر مولوي محمد نادر همایون او د عوایدو او ګمرکونو د ملي اکاډمۍ آمر بلال احمد احدي ګډون کړی وو.
د عوایدو لوی ریاست حمایوي مرستیال وویل، چي د داسي پروګرامونو موخه داده، چي په اړوندو برخو کي د کارکوونکو ظرفیتونه لوړ او په اداري چارو کي لا ډېر پرمختګ راوړل سي؛ نوموړي ټينګار وکړ، چي د مستوفیتونو راغلي کارکوونکي باید ترلاسه سوي تجربې او زده کړي د مستوفیتونو له نورو کارکوونکو سره هم شریکي کړي، څو په ګډه سره د ښه خدمت مصدر وګرځي.
د یادوني وړ ده، چي د دغه (۱۱) ورځني روزنیز پروګرام په لړ کي به ګډونوالو ته د مجربو او مسلکي ټرینرانو له لوري په یادو برخو کي د نظري زده کړو تر څنګ عملي زده کړي هم ورکړل سي.
