د هلمند او فراه مستوفیتونو ۹۳ تنو او د خوست ګمرک ۴۰ تنو کارکوونکو له پاره روزنیز پروګرامونه پیل سوه!
د مالیې وزارت د ګمرکونو او عوايدو ملي اکاډمۍ د (۱۴۰۳هـ.ل) کال د ساحوي تدریسي پلان سره سم، د ساحوي روزنیزو پروګرامونو په لړ کي د هلمند او فراه مستوفیتونو (۹۳) تنو کارکوونکو له پاره د مالیاتی قوانینو، طرزالعملونو، مالیاتي محاسبې او مالیاتي سیسټمونو تر سرلیک لاندي (۱۵) ورځنی روزنیز پروګرام پیل سو.
همدارنګه د خوست ګمرک (۴۰) تنو کارکوونکو ته به د وړتیا لوړوني په موخه په عملي او نظري ډول د ګمرکونو قانون، ګمرکي کړنلارو، ګمرکي بيي ټاکني، تعرفې، ګمرکي اظهارلیکونو د ډکولو او د اسیکوډا سیسټم په اړه روزنه ورکړل سي.
د دغه روزنیزو پروګرامونو موخه په یادو برخو کي د کارکوونکو ظرفیت لوړونه او د اداري چارو لا ښه پرمختګ دئ، چي د (۱۵) ورځو په موده کي به ګډونوالو ته د مجربو ټرینرانو له لوري د نظري زده کړو تر څنګ عملي زده کړي هم ورکړل سي
