د ګمرکونو لوی ریاست په اداري ناسته کي پر یو شمېر مهمو موضوعاتو بحث او خبري وسوې!
د چنګاښ ۴مه ۱۴۰۴هـ.ل
د مالیې وزارت د ګمرکونو لوی ریاست د (۱۴۰۴هـ.ل) مالي کال څلورمه اداري ناسته د ګمرکونو لوی رئیس الحاج مولوي محمد حامد احمد په مشرۍ د یاد ریاست په مقام کي جوړه سوه.
په دې ناسته کي د ګمرکونو لوی ریاست تخنیکي او عملیاتي مرستیالانو، رئیسانو او یو شمېر آمرینو هم ګډون کړې وو.
له اجنډاء سره سم په دې ناسته کي د صادراتي، وارداتي او ترانزيټي توکو په ګمرکي طی مراحلو کي پر سته ستونزو او حل لارو، د یو شمېر سوداګریزو شرکتونو او صنعتکارانو د غوښتنو او ستونزو پر حلولو، د یاد ریاست د مرکزي او ولایتي ادارو د ورځنیو چارو پر لا ښه والي او یو شمېر نورو موضوعاتو خبري وسوې او په اړه ئې لازم تصمیمونه ونیول سول.
