تېره اوونۍ د هیواد په بېلابېلو ولایتونو کي یوه اندازه قاچاقي توکي نیول سوي دي!
د چنګاښ ۱۷مه ۱۴۰۴هـ.ل
د مالیې وزارت د ګمرکونو لوی ریاست د ګرځنده څارني ځیرکو کارکوونکو تېره اوونۍ د فراه، کندهار او هلمند ولایتونو په بېلابېلو سیمو کي قاچاقي توکي نیولي دي، چي قاچاق کوونکو غوښتل له ګمرکي محصول پرته ئې په قاچاقي ډول افغانستان ته راوړي.
په نیول سویو توکو کي (۸۶۶۴) کیلو ګرامه انساني طبي درمل، (۱۳۲۳۴) کیلو ګرامه چاکلېټ، (۱۷۳۲۰) کیلو ګرامه رُب، (۶۴۰) کیلو ګرامه شامپو، (۷۲۰) کیلو ګرامه لوبیا، (۳۶۰) کیلو ګرامه پلاسټیک، (۲۹۰) کیلو ګرامه انرژي باب او (۲۴۰) کیلو ګرامه مالګه شامله ده.
نیول سوي توکي او تورن کسان د نورو اجرااتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي ګرځنده څارنه کوي او هیچا ته اجازه نه ورکوي، چي ممنوعه او قاچاقي توکي ولېږدوي.
