د اقتصادي وزارتونو او ادارو پر کړنو د څار هیئت لسمه ناسته وسوه
د وري۳۰مه ۱۴۰۵هـ.ل
د مالیې وزارت د ګمرکونو او عوایدو معین الحاج مفتي عبدالمتین سعید په مشرۍ د اقتصادي وزارتونو او ادارو پر کړنو د څار هیئت لسمه ناسته د اقتصادي وزارتونو او ادارو د با صلاحیته استازو په ګډون د ګمرکونو معینیت د نړیوالو مالیاتو په تالار کي وسوه.
د ناستي په پیل کي د ګمرکونو او عوایدو معین د ستونزو د حل په موخه د ادارو ترمنځ پر همږغۍ او مراجعینو ته د اړینو اسانتیاوو په رامنځته کولو ټینګار وکړ.
ور پسې د اوسپنې پټلۍ د معین په مشرۍ د ټاکل سوي پلاوي له لوري، په بلخ کي د حیرتان او په هرات کي د روزنک او تورغونډۍ ګمرکونو کي د اوسپنې پټلۍ او د واګونونو په برخه کي د شته ستونزو د تحلیل تفصیلي راپور وړاندي سو. په دې راپور کي د وړاندي سویو حل لارو په پلي کېدو سره به په یادو ګمرکونو کي (۲۴) ساعته خدمات پیل او د سوداګرو له پاره به ګڼ سهولتونه رامنځته سي.
د یادوني وړ ده، چي یاد پلاوی د اقتصادي کمېسیون د حکم پر اساس جوړ سوی، چي اساسي موخي ئې د اقتصادی وزارتونو او ادارو د فعالیتونو او کړنو څار او په یادو ادارو کي مراجعینو ته د اړینو اسانتیاوو رامنځته کول دي.
