د مالیې وزارت سرپرست په افغانستان کې د عامه او خصوصي مشارکت د پروژو پلي کیدو په برخه کې د اسیایې پراختیا بانک د همکارۍ غوښتونکی شو

admin_mof
Thu, Nov 07 2019 10:51 AM
خبر

د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د لړم میاشتې په ۱۴مه نېټه د اسیا پراختیایې صندوق (ADF) د ناستو په څنډه کې د خصوصي سکټور او د عامه او خصوصي مشارکت په برخو کې د اسیایې پراختیا بانک له مرستیال ښاغلي دیوکار ګوپتا، سره وکتل.
په دې کتنه کې د مالیې وزارت سرپرست وویل چې د کندهار سولري برښنا پروژه په افغانستان کې د عامه او خصوصي مشارکت (PPP) یوه بریالۍ بیلګه ده. نوموړي د خصوصي سکټور په برخه کې د اسیایې پراختیا بانک مرستیال ته یادونه وکړه چې په افغانستان کې د کورجوړونې، کرنې او انرژۍ سکټورونو په برخه کې د عامه او خصوصي مشارکت پروژو لپاره ستر ظرفیت شتون لري، د اسیایې پراختیا بانک کولی شي چې د پلي کیدو په برخه کې یې همکاري وکړي.
د اسیایې پراختیا بانک مرستیال د مالیې وزارت د سرپرست له نظریاتو مننه وکړه او له نوموړي څخه یې غوښتنه وکړه چې ۳ نه تر ۵ پورې ځانګړې پروژې وړاندې کړي چې په دې پروژو کې د اسیایې پراختیا بانک د افغانستان له حکومت سره کار وکړي او د پلي کیدو په برخه کې یې همکاري وکړي.
د اسیایې پراختیا بانک مرستیال وویل چې د راتلوونکي کال په جنورۍ میاشت کې به د یاد بانک په استازیتوب یو پلاوی واستوي تر څو ټاکل شوی پروژې له نږدې څخه د غور او بررسۍ لاندې ونیسي.

Latest news

Thu, Nov 07 2019 1:13 PM
Background image

16th Technical Steering Committee Meeting of Afghanistan and European Union State and Resilience Building Contracts (SRBC) Held

The 16th Technical Steering Committee Meeting of Afghanistan and European Union State and Resilience Building Contracts (SRBC) co-chaired by Mr. Mohammad Naser Sidiqee, Director General. . .

Sun, Nov 03 2019 11:23 AM
Background image

AFN 6.2 Billion Committed to Continued Cooperation between Afghanistan and Germany

Kabul, 3rd November 2019 – Yesterday, the State Secretary of the German Federal Ministry for Economic Cooperation and Development (BMZ), Mr Martin Jaeger, together with Dr Mohammad. . .

BACK TO NEWS