د افغانستان حکومت د تکافل صنعت د ملاتړ لپاره د زمینې برابرولو ته ژمن دی

farid_mof
Sat, Nov 30 2019 4:16 PM
خبر

د تکافل (اسلامي بیمې) صنعت د پیژندلو لومړنی کنفرانس نن د لیندۍ میاشتې په ۹مه نېټه په انټر کانټیننټال هوټل کې جوړ شو.

په دې کنفرانس کې د مالیې وزارت اداري مرستیال ښاغلي عبدالحبیب ځدراڼ، د عدلیې وزارت مسلکي معین ښاغلي محمد قاسم حلیمي، د علماوو شورا استازي ښاغلي عنایت الله بلیغ، د اسلامي پراختیا بانک، د سوداګرۍ خونو، د دولتي او غیر دولتي شرکتونو استازو او د بېلابیلو دولتي ادارو استازو ګډون کړې وو.

د مالیې وزارت اداري معین ښاغلي عبدالحبیب ځدراڼ په پرانیسته وینا کې د اسلامي پراختیا بانک له همکارۍ څخه د مننې تر څنګ وویل: د تکافل قانون د مالیې وزارت په نوښت او د اسلامي پراختیا بانک په مالي همکارۍ طرح او تدوین شوی ده، لکه څنګه چې په هیواد کې د بیمې صنعت یوه نوی خبره ده نن د عامه پوهاوي او د پانګونې د هڅونې په موخه د اسلامي بیمې صنعت د لومړني ملي کنفرانس د جوړیدو شاهدان یو.

د مالیې وزارت اداري معین د بیمې له خصوصي او دولتي شرکتونو څخه غوښتنه وکړه چې له قوانینو سره سم د اسلامي بیمې په اجراء کولو کې همکاري وکړي ترڅو د بیمې سکټور د هیواد په اقتصادي او ټولنیزې وده کې خپل ارزښتناکه رول ولوبوي.

د عدلیې وزارت مسلکي مرستیال ښاغلي قاسم حلیمي، د اسلام په رڼا کې د تکافل په تړاو هر اړخیز معلومات وړاندي او وویل، چې تکافل په اسلام کې  جواز لري. نوموړي زیاته کړه، چې د تکافل معنی له بېوزلو سره مرسته ده.  د عدلیې وزارت مسلکي مرستیال وویل، چې دغه وزارت به له مالیې وزارت سره په افغانستان کې د تکافل کلتور په دودولو کې مرسته کوي.

د علماوو شورای استازي ښاغلي مولوي عنایت الله بلیغ، د اسلام له نظره د بېمې صنعت، د اسلامي قواعدو او اصولو په رڼا کې د بېموي خدمتونو وړاندي کولو، له دودیزې بېمې سره د اسلامي بېمې په توپیر او یو شمېر نورو ورته مسایلو په تړاو خبرې وکړي او ډاډ یې ورکړ چې د اسلامي بیمې په دودولو کې به د علماوو شورا له مالیې وزارت سره همکاري وکړي.

خبر

همدا شان په دې کنفرانس کې د تکافل د صنعت او قانون په لنډه پېژندنه، په اسلامي مالي اقتصادي نظام کې د تکافل په دریځ، په پانګونه کې د تکافل په وده او ثبات، په افغانستان کې د تکافل تطبیقي مډل په پېژندنه، د تکافل شرکتونو لپاره د افغانستان د تکافل قانونو په اړینو ټکو او نورو اړینو مسایلو په تړاو ګډونوالو ته معلومات ورکړل شول.

د یادولو ده، چې دغه کنفرانس د تکافل صنعت د پېژندلو، د اسلامي بېمې په برخه کې د خلکو د عامه پوهاوي لوړېدو، په هیواد کې د تکافل صنعت د پراختیا په موخه د دخیلو ادارو ترمنځ د همکاریو او همغږیو او همدا شان  پانګونې ته د هڅونې په موخه ترسره شو.

Latest news

Sat, Jul 11 2020 10:06 AM
Background image

World Bank approved 200 Million USD Grant to the Afghanistan Government

On June 9, 2020, the Executive Board of the World Bank approved 200 Million USD grant to the government of Afghanistan. The purpose of this grant is to counter the negative socio. . .

Wed, Jul 08 2020 8:57 AM
Background image

Acting Minister of Finance Discussed IMF’s New Three Years Plan for the Afghanistan Government

On June 7, 2020, H.E Abdul Hadi Arghandiwal conversed with a technical team of International Monetary Fund through a video conference.

Deputy Ministers of MoF and Da Afghanistan Bank. . .

Sat, Jun 27 2020 9:13 AM
Background image

Acting Minister of Finance and Canadian Ambassador Discuss Further Cooperation to Increase the Effectiveness of Canadian’s Aid to Afghanistan

On June 24, 2020, H.E. Abdul Hadi, Arghandiwal, Acting Minister of Finance met with Mr. Dave Metcalfe, Canada’s Ambassador to Afghanistan through a video conference.

In the meeting,. . .

BACK TO NEWS