د مالیې وزارت نوماند وزیر او سرپرست د ولسي جرګې مالي او بودیجوي کمېسیون ته د ملي دسترخوان په اړه وضاحت ورکړ

admin_mof
Sat, Sep 12 2020 8:47 AM
خبر

د مالیې وزارت نوماند وزیر او سرپرست ښاغلي عبدالهادي ارغندیوال، نن د وږې میاشتې په ۲۰ مه نېټه د ولسي جرګې مالي او بودیجوي کمېسیون ته د ملي دسترخوان پروګرام په اړه وضاحت ورکړ.

د مالیې وزارت سرپرست وویل:" نړیوال بانک د غیراختیاري بودیجې له لارې د یاد پروګرام لپاره ۲۸۰ میلیونه امریکایې ډالره ځانګړي کړي دي، چې په دې کې۱۵۵ میلیونه ډالره د نړیوالې پراختیایې ادارې یا IDA او ۱۲۵ میلیونه ډالره د افغانستان د بیا رغونې وجهي صندوق ARTF ونډه ده."

د مالیې وزارت سرپرست زیانه کړه: "د دې پروګرام موخه د کرونا ویروس له امله له زیانمنو او اړمنو کورنیو سره د مرستو دوام دی، چې له دې وړاندې اړمنو کورنیو ته وچې ډوډۍ وېشل کېدې. ښایي د دې پروګرام په چوکاټ کې اړمنو ته اوړه، وریجې، غوړي او د لاس وینځلو صابون ووېشل شي."

ښاغلي ارغندیوال زیاته کړه، چې د بودیجې اجرا د اصول پاڼې ۳۵ مې مادې له مخې د اختیاري پروژو د تمویل پریکړه د افغانستان د حکومت او د غیراختیاري پروژو د تمویل صلاحیت تمویلوونکو پر غاړه لري. د غیراختیاري پروژو شاملول یا تنقیص/ د روان مالي کال په اوږدو کې د ضمیمو په توګه د وجوې ور زیاتول د مالیې وزارت له صلاحیتونو ګڼل کېږي.

په پای کې د مالیې وزارت سرپرست، په ولسي جرګه کې د خلکوله استازو غوښتنه وکړه، چې د خلکو د مهمو اړتیاوو پر بنسټ د ملي دسترخوان طرحه شوي پروګرام ښه پلي کیدو په برخه کې له حکومت سره همکاري وکړي.

خبر

د یادونې وړ ده چې د ملي دسترخوان پروګرام په دوه پړاوونو کې پلي کیږي. په لومړي پړاو کې د ۱۲۳ ولسوالیو په ګډون ۳۴ ولایتونه پوښي، چې د ۱.۶ میلیونه کورنیو په لرلو سره به ۱۳ زره کلي ترې برخمن شي. دا پروګرام به په دویم پړاو کې د ۲۳۵ ولسوالیو په ګډون په ۳۴ ولایتونو کې شاوخوا ۲۲ زره کلي چې ۲.۵ میلیونه کورنۍ لري پلی شي. د دې دوو پړاوونو په پلي کیدو سره له دې پروګرامه د افغانستان ۹۰ سلنه وکړي برخمن کېږي.

Latest news

Tue, Jun 22 2021 8:12 AM
Background image

Acting Minister of Finance meets Director-General of Afghanistan National Standard Authority

Mohammad Khalid Payenda, Acting Minister of Finance met with Zabihullah Ziarmal, Director of Afghanistan National Standard Authority (ANSA) in Afghanistan Custom and Revenue Department.. . .

Mon, Jun 07 2021 1:32 PM
Background image

Afghan Government Shows Progress in Curbing Gender-Based Violence in Education and Health Sectors

​​​​​​​Kabul June XX -The Ministry of Finance of the Islamic Republic of Afghanistan and the World Bank have

BACK TO NEWS