د مالیې وزارت نوماند وزیر او سرپرست د ولسي جرګې مالي او بودیجوي کمېسیون ته د ملي دسترخوان په اړه وضاحت ورکړ

admin_mof
شنبه ۱۳۹۹/۶/۲۲ - ۸:۴۷
خبر

د مالیې وزارت نوماند وزیر او سرپرست ښاغلي عبدالهادي ارغندیوال، نن د وږې میاشتې په ۲۰ مه نېټه د ولسي جرګې مالي او بودیجوي کمېسیون ته د ملي دسترخوان پروګرام په اړه وضاحت ورکړ.

د مالیې وزارت سرپرست وویل:" نړیوال بانک د غیراختیاري بودیجې له لارې د یاد پروګرام لپاره ۲۸۰ میلیونه امریکایې ډالره ځانګړي کړي دي، چې په دې کې۱۵۵ میلیونه ډالره د نړیوالې پراختیایې ادارې یا IDA او ۱۲۵ میلیونه ډالره د افغانستان د بیا رغونې وجهي صندوق ARTF ونډه ده."

د مالیې وزارت سرپرست زیانه کړه: "د دې پروګرام موخه د کرونا ویروس له امله له زیانمنو او اړمنو کورنیو سره د مرستو دوام دی، چې له دې وړاندې اړمنو کورنیو ته وچې ډوډۍ وېشل کېدې. ښایي د دې پروګرام په چوکاټ کې اړمنو ته اوړه، وریجې، غوړي او د لاس وینځلو صابون ووېشل شي."

ښاغلي ارغندیوال زیاته کړه، چې د بودیجې اجرا د اصول پاڼې ۳۵ مې مادې له مخې د اختیاري پروژو د تمویل پریکړه د افغانستان د حکومت او د غیراختیاري پروژو د تمویل صلاحیت تمویلوونکو پر غاړه لري. د غیراختیاري پروژو شاملول یا تنقیص/ د روان مالي کال په اوږدو کې د ضمیمو په توګه د وجوې ور زیاتول د مالیې وزارت له صلاحیتونو ګڼل کېږي.

په پای کې د مالیې وزارت سرپرست، په ولسي جرګه کې د خلکوله استازو غوښتنه وکړه، چې د خلکو د مهمو اړتیاوو پر بنسټ د ملي دسترخوان طرحه شوي پروګرام ښه پلي کیدو په برخه کې له حکومت سره همکاري وکړي.

خبر

د یادونې وړ ده چې د ملي دسترخوان پروګرام په دوه پړاوونو کې پلي کیږي. په لومړي پړاو کې د ۱۲۳ ولسوالیو په ګډون ۳۴ ولایتونه پوښي، چې د ۱.۶ میلیونه کورنیو په لرلو سره به ۱۳ زره کلي ترې برخمن شي. دا پروګرام به په دویم پړاو کې د ۲۳۵ ولسوالیو په ګډون په ۳۴ ولایتونو کې شاوخوا ۲۲ زره کلي چې ۲.۵ میلیونه کورنۍ لري پلی شي. د دې دوو پړاوونو په پلي کیدو سره له دې پروګرامه د افغانستان ۹۰ سلنه وکړي برخمن کېږي.

تازه خبرونه

سه‌شنبه ۱۴۰۰/۵/۵ - ۱۴:۲۰
Background image

د پراختیایي شریکانو د رئیسانو (Head of Agency) ناسته وشوه

د مالیې وزارت د پالیسۍ مرستیال نذیر کبیري په مشرۍ د دولت او نړیوالو شریکانو ترمنځ د " څارنې او همغږۍ ګډ بورډ ځانګړې ناستې

سه‌شنبه ۱۴۰۰/۵/۵ - ۹:۴۶
Background image

د مالیې وزارت غواړي چې په دولتي شرکتونو کې د ملاتړیز لیدلوري له مخې مثبت بدلون راشي

د دولتي شرکتونو عمومي رئیس داکټر میرویس بهیج، د افغانستان د نفتو او ګاز شرکت څخه د لیدنې پر مهال ټينګار وکړ، چې د مالیې وزارت د همغږي کوونکې

شنبه ۱۴۰۰/۵/۲ - ۱۰:۴۸
Background image

د پیسو نړیوال صندوق د افغانستان مالي اصلاحات او بودیجه بریالي وبلل

د مالیې وزارت سرپرست محمد خالد پاینده، په مشرۍ د پیسو له نړیوال صندوق (IMF) سره د افغان حکومت د مالي اصلاحاتو ارزونې پروګرام اختتامیه

BACK TO NEWS