د عوایدو او ګمرکونو مرستیال د دوست هيواد ترکیې سفارت له سر قنسل سره وکتل

admin_mof
Tue, Nov 09 2021 10:39 AM
خبر

د مالیې وزارت مرستیال مولوي رحمت الحق فُضیل، د دوست هيواد ترکیې سفارت له سر قنسل سنن الحان سره وکتل.

د مالیې وزارت مرستیال په دې ليدنه کي د افغانستان لپاره د ترکیې سفارت سرقنسل ته د ښه راغلاست ويلو ترڅنګ د دواړو لورو د دوه اړخیزه اقتصادي، کلتوري او سوداګریزو اړیکو پر لا ټینګېدو خبري وکړې.

په ناسته کي د هرات په ګمرک کي د ترکیې سفارت  د شخصي موټرونو پر محصول د اسانتیاوو رامنځته کول او د یو شمېر نورو اړوندو مسایلو په تړاو بحث او د نظرونو تبادله وسوه.

د مالیې وزارت مرستیال د ترکيې سرقنسل سره خبرو کي د دواړو هیوادونو د دوستانه اړیکو پر لا ټینګېدو ټینګار وکړی او زیاته یې کړه، چي افغانستان او دوست هیواد ترکیه مخکنۍ  تاریخي اړیکي او ګډ مشترکات لري، چي د افغانستان نوی حکومت به د تل په څېر له ترکيې سره خپلي اړیکي لا ټینګي او د ورورۍ فضاء رامنځته کړي.

د ترکیې سفارت سرقنسل د خپل هیواد په استازيتوب له افغانانو او نوي حکومت سره  دهر اړخیزه مرستو د دوام ترڅنګ وویل، چي ترکیه غواړي په کابل کې د دیني کتابونو د چاپولو یوه لویه مطبعه جوړه او ورسره  نورو برخو کي هم د خپلو بشردوستانه مرستو لړۍ دوامداره وساتي.

خبر

وروسته د ترکیې سفارت سرقنسل ښاغلي سنن الحان د مخه ښې پرمهال، د مالیې وزارت مرستیال ته خپل یو لیکلی کتاب او د ترکۍ ډبري یوه جوړه تسبیح هم په ډالۍ کي ورکړې.

Latest news

Tue, Dec 07 2021 9:02 PM
Background image

Ministry of Finance cuts 10% of Customs duty on rebar produced in the country

Exports play a vital role in the country's economic growth and pave the way for self-sufficiency in domestic

Sun, Nov 21 2021 3:35 PM
Background image

Afghanistan's exports have increased

Exports are an important part of any country's economy. To support economic sectors and provide facilities to

BACK TO NEWS