د عشر او زکات راټولولو د څرنګوالي په تړاو لومړنۍ ناسته وسول

admin_mof
Sat, Nov 20 2021 8:34 PM
خبر

د عشر او زکات راټولولو د څرنګوالي په تړاو لومړنۍ ناسته د مالیې وزارت دعوایدو لوی ریاست د سرپرست معراج محمد معراج په مشرۍ د زراعت، امر بالمعروف و نهی عن المنکر، ارشاد حج او اوقافو، مالیې وزارت، افغانستان بانک او کابل ښاروالۍ د استازو په ګډون د مالیې وزارت په خیبرهال کي ترسره سول.

په دغه ناسته کي چي د قران کریم په مبارکو آیتونو پیل سول، د عشر او زکات راټولو پر طرحه او میکانیزم، راټولونکي ادارې، په دې تړاو د عامه پوهاوي غوره والی، د عشر او زکاتو په راټولو کي شفافيت او پر اړمنو کسانو یې د وېشلو په تړاو بحث او خبري اتري وسوې.

د یادو سویو ادارو استازو پر دې ټينګار وکړ، چي د عشر او زکات راټولو طرحه دي داسي جوړه سي، چي هم اقتصادي او امنیتي اړخ ولري او همدارنګه د حکومت او ولس ترمنځ واټن هم له منځه یو سي.

خبر

وروسته پردې پرېکړه وسول، چي له یادو ادارو دي یوه ګډه کمېټه پر دې طرحه کار وکړي، ترڅو د عشر او زکات راټولو لپاره یو منظم سیستم منځ ته راسي.

د یادوني وړ ده، چي عشر او زکات له کلنۍ لاسته راوړنۍ لکه حیواني او کرنیزو محصولاتو څخه راټوليږي او د هيواد پر بېوزلو وېشل کيږي.

Latest news

Tue, Dec 07 2021 9:02 PM
Background image

Ministry of Finance cuts 10% of Customs duty on rebar produced in the country

Exports play a vital role in the country's economic growth and pave the way for self-sufficiency in domestic

Sun, Nov 21 2021 3:35 PM
Background image

Afghanistan's exports have increased

Exports are an important part of any country's economy. To support economic sectors and provide facilities to

BACK TO NEWS