د کندهار په ولایت کي بېلابېل قاچاقي توکي نیول سوي دي!
د مالیې وزارت د ګمرکونو لوی ریاست د ګرځنده څارني کارکوونکو د کندهار په ولایت کي، په یو بار وړونکي موټر کي یو شمېر قاچاقي توکي نیولي دي، چي قاچاق کوونکو غوښتل په پټه ئې افغانستان ته را وارد کړي.
په نیول سوو توکو کي (۵۰۰۰) کیلو ګرامه پلاستیکي کڅوړي، (۴۵۹۰) کیلو ګرامه ذایقه لرونکي پوړۍ، (۲۰۰) کیلو ګرامه قیماق (ملایي)، (۱۱) کارټنه د حشرو د وژني سپرې، (۲۳۹۲) کیلو ګرامه انساني طبي درمل، (۸۰۰) کیلو ګرامه د نصوارو پلاستیکي کڅوړي، (۹۶۰) کیلو ګرامه چاکلېټ او (۲۴۰) کیلو ګرامه پاکټي شیدې شاملي دي.
یاد نیول سوي توکي او تورن کسان د نورو اجراآتو په موخه د کندهار ولایت ګمرک ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي دوامداره فعالیت کوي او هیچا ته اجازه نه ورکوي، چي ممنوعه او قاچاقي توکي صادر او یا وارد کړي.
