د مالیې وزارت ویاند: د ۱۳۹۸ مالي کال په لومړیو شپږو میاشتو کې ملي عواید له ټاکل شوي هدف زیات راټول شوي دي

farid_mof
Wed, Jul 10 2019 8:47 AM
کنفرانس مطبوعاتی

د ۱۳۹۸ مالي کال د لومړیو شپږو میاشتو د مالیې وزارت فعالیتونه او لاسته راوړنې د خبري کنفرانس له لارې د چنګاښ میاشتې په ۱۸ مه نېټه د مالیې وزارت ویاند او د اړیکو او عامه پوهاوي رئیس ښاغلي شمروزخان مسجدي د حکومت د رسنیو په مرکز کې له رسنیو سره شریکې کړې او د مالیې وزارت په ځانګړو دندو کې د نورو ادارو له مداخلو څخه د مخنیوي په اړه وضاحت ورکړ.

د مالیې وزارت ویاند او د اړیکو او عامه پوهاوي رئیس د ملي عوایدو د راټولو په اړه وویل: د روان مالي کال په لومړیو شپږو میاشتو کې زموږ راپورونه ښیې چې نه یواځې دا چې د ملي عوایدو راټولیدل زموږ له پلانونو سره مطابقت لري بلکه له پلان څخه زیات راټول شوي دي، که د ملي عوایدو راټولول په همدې ډول روان وي د کال تر پایه موږ کولی شو له ټاکل شوي هدف څخه زیات ملي عواید را ټول کړو. د روان مالي کال لپاره په ملي بودیجه کې د عوایدو لپاره ۱۸۸ میلیارده افغانۍ هدف ټاکل شوی دی چې موږ تر اوسه وکولی شول ۱۰۲ میلیارده افغانۍ راټولې کړو چې د تېر کال په پرتله ۱۲ میلیارده افغانۍ (۱۴سلنه) زیاتوالی ښیې.

ښاغلي مسجدي وویل، چې په لومړیو شپږو میاشتو کې د حکومت په کچه د پراختیایي بودیجې لګښت ۴۱ سلنه دی چې د تېر کال په پرتله ۵ سلنه زیاتوالی ښیې. نوموړي زیاته کړه چې د مالیې وزارت له پلان سره سم د مالي کال تر پایه ټاکل شوی د حکومت په کچه د پراختیایې بودیجې لګښت ۹۵ سلنې ته ورسیږي.

ښاغلي مسجدي د ادارو د غیر قانوني مداخلو په تړاو د مالیې وزارت د مکتوب په اړه وویل: د یاد مکتوب له صادرولو څخه د مالیې وزارت موخه د دې وزارت په ځانګړو چارو په ځانګړې توګه په عوایدي سرچینو کې د نورو ادارو له مداخلې څخه مخنیوی دی چې د ګمرکونو قانون، پر عایداتو د مالیاتو قانون او د هیواد نورو تقنیني سندونو سره سم د مالیې وزارت له دندو او مسؤلیتونو څخه شمیرل کیږي. په نورو برخو کې چې له عوایدي سرچینو څخه کنټرول، نظارت، بررسۍ او همداشان له فساد سره مبارزه ده مالیې وزارت د هیواد نافذه قوانینو په رڼا کې ترې ملاتړ کوي او له اړوندو ادارو سره هر اړخیزه همکاري او همغږي کوي او کړې یې ده.

 نوموړي زیانه کړه، چې د مالیې وزارت د مکتوب محتوا د اطلاعاتو د ازادۍ جریان نه اغیزمن کوي. یواځې له نورو ادارو سره د مالیې وزارت د ځانکړو دندو د  روښانه کولو په موخه لیږل شوی دی. مالیې وزارت اطلاعاتو ته د لاسرسي قانون جدي پلي کیدو ته ژمن دی او له ټولو متقاضیانو سره هر اړخیزه همکاري له خپلو قانوني دندو او لومړیتوبونو څخه شمیري.

دا راز ښاغلي مسجدي د کارکوونکو د ۱۵ ورځني معاش اجراآ کولو په اړه وویل:" مالیې وزارت د متحدالمال مکتوب له لارې ټولو دولتي ادارو ته خبر ورکړی، چې د خپلو مستحقو کارکوونکو د معاشونو راپور یاد وزارت ته وسپاري او هغه ادارې چې د تخصیص په برخه کې ستونزه لري، له خپلې تخصیص شوې بودېجې څخه دې اجرا کړي. مالیه وزارت به یې د کال په منځنۍ بررسۍ کې د ورکړل شوې وجوې له مخې ادارو ته ور ولېږي. دغه هوکړه د مالیې وزارت له لوري له ټولو ادارو سره تر سره شوې ده. "

نوموړي زیاته کړه، مالیې وزارت د لومړي ځل لپاره د ۲۲ ولایتونو د مستوفیتونو بستونه د ازادې سیالۍ له لارې اعلان کړ، چې بریالي کسان د ازموینې له تېرېدو وروسته دندو ته ورمعرفي شوي دي.

کنفرانس

 د کنفرانس په پای کې د خبریالانو پوښتنو ته ځوابونه هم وویل شول.

Latest news

Wed, Sep 25 2019 4:09 PM
Background image

Afghanistan, ADB Sign Grant Agreement to Improve Water Resources, Enhance Productivity

KABUL, AFGHANISTAN (25 September 2019) — The Government of Afghanistan and the Asian Development Bank (ADB) today signed a $348.78 million grant to help in the development of water. . .

Tue, Sep 24 2019 8:34 AM
Background image

Press Release

The Ministry of Finance of Islamic Republic of Afghanistan continues to appreciate the support and partnership of the international community, in particularly, of the Unites States as. . .

BACK TO NEWS