د اسلام کلا په ګمرک کې د اورلګېدنې له کبله د مالیې وزارت خبرتیا

admin_mof
اطلاعیه

په خواشینۍ سره مو خبر ترلاسه کړ، چې د سلواغې میاشتې په ۲۵ مه نېټه ماسپښین ۱ بجه د اسلام کلا په ګمرک کې د یوه نفتي ټانکر د اور اخیستنې له کبله چې ټول ګمرک ته د اور لمن پراخه شوه او زموږ هیوادوالو ته یې ګڼ مالي زیانونه واړول.

د مالیې وزارت مشرتابه له امنیتي ارګانونو او سیمه ییزو ادارو سره په نږدې همکارۍ هڅه وکړه چې وضع کنټرول او په اور لګېدنه برلاسي شي او د ملي دفاع وزارت له مرستیال، د کورنیو چارو وزارت له مرسیتال، د ملي امنیت شورای له مرسیتال، د هرات ولایت مقام او په دې ولایت کې د مېشتو امنیتي ځواکونو له بيړني اقدام څخه مننه کوي، چې د یوه ګروپ په جوړولو سره یې وضعیت کنټرول او تر واک لاندي یې راووست.

د مالیې وزارت مشرتابه د دې ناوړه پېښې د پلټلو په موخه د ګمرکونو عمومي ریاست په سرپرستۍ یوه کاري ډله هرات ولایت ته لېږلي ده، څو د اورلګېدنې د مهارولو او مرستې کولو ترڅنګ د پېښې د رامنځته کېدو په تړاو خپلې لومړنۍ پلټنې پیل او اړینه همکاري وکړي. په داسي حال کې چې د مالیې وزارت د دې زیان اړوونکي پېښې د رامنځته کېدو له کبله له زیانمنو سره همدردۍ څرګندوي او خپلو هیوادوالو ته یو ځل بیا د لازمې همکارۍ ډاډ ورکوي.

د یادونې وړده، چې تر اوسه پوري د دې پېښې د رامنځته کېدو له امله د اوښتو زیانونو په اړه کره معلومات نه شته.

وروستي اعلانونه

پنجشنبه ۱۴۰۱/۵/۲۷ - ۱۰:۲۴
Background image

د مالیې وزارت د ګمرکونو لوی ریاست خبرتیا!

د مالیې وزارت د ګمرکونو لوی ریاست سوداګریزو شرکتونو ته د اسانتیا برابرولو په موخه دوی ته د اسیکوډا په سیسټم کي یوزر ورکړی،

سه‌شنبه ۱۴۰۱/۵/۲۵ - ۱۵:۱۰
Background image

 کسبګرو او هټیوالو (اصنافو) د عوایدو د تثبیت او درجه بندۍ د بهیر خبرتیا

د مالیې وزارت د 1058  قراردادي بستونو او د عوایدو لوی ریاست ټولو هغو غوښتونکو ته، چي د یاد ریاست د کسبګرو او دوکاندارانو (اصنافو)

یکشنبه ۱۴۰۱/۵/۲ - ۱۴:۱۴
Background image

د ماليه ورکوونکيو د خدمتونو رياست د ايجاد خبرتيا!

د ماليې وزارت اړوند د عوايدو لوی رياست د ټولو لويو، منځنيو او کوچنيو ماليو تاديه کوونکيو ته په خورا درنښت خبر ورکوي، چې د دغه رياست په تشکيلاتي جوړښت کې د ځينو بدلونونو په راتلو سره د . . .

Back to announcements