په متحده عربي اماراتو کې میشتو بهرنیو او افغان سوداګرو سره په افغانستان کې د پانګونې جلبولو په موخه ناسته تر سره شوه

admin_mof
دوشنبه ۱۳۹۹/۶/۲۴ - ۱۱:۵۲
خبر

مالیې وزارت د حرکت موسسې په مرسته د وږې میاشتې په ۲۳ او ۲۴مه نېټه په متحده عربي اماراتو کې د میشتو بهرنیو او افغان سوداګرو او پانګوالو لپاره د عامه او خصوصي خبرو اترو له لپاره ناسته جوړه کړه.

د دې ناستې موخه د عامه او خصوصي مشارکت په اړه د پوهاوي لوړوالی، په افغانستان کې د پانګونې وده او په دې برخه کې د کورنیو او بهرنیو پانګوالو جلبول، د افغانستان په بنسټیزو پروژو کې د خصوصي سکټور ونډه او په نورو بیلابیلو برخو کې د پانګونې فرصتونو په ګوته کول وو.

په دې ناسته کې د مالیې وزارت نوماند وزیر او سرپرست ښاغلي عبدالهادي ارغندیوال، د اقتصاد وزیر ښاغلي مصطفی مستور، د کرنې او اقتصادي پراختیا لپاره د ولسمشر ځانګړي استازي ښاغلي عبدالحمید هلمندي، د افغانستان د سوداګرۍ او صنایع خونو استازو او په متحده عربي اماراتو کې میشتو بهرنیو او افغان سوداګرو او پانګوالو ګډون کړی وو.

د مالیې وزارت سرپرست د حرکت له موسسې څخه مننه وکړه، چې د غونډې په جوړولو کې یې له مالیې وزارت سره همکاري کړې او ویې ویل:" په افغانستان کې د سولې د ټینګښت په برخه کې زموږ ملي او نړیوالې هڅې په ټینګ عزم، پیاوړې اراده او منسجم ډول سره مخ ته ځي او په عین حال کې د افغانستان د سیاسي ثبات، اقتصادي ودې او ملي پراختیا پروګرامونه په پرله پسې توګه د پلي کیدو په حال کې دي."

نوموړي زیاته کړه د راتلونکو پنځو کلونو لپاره چې د بدلون لسیزې دویمه نیمایې ده زموږ لید لوری د سولې په ټینګښت، دولت جوړونې او بازار جوړولو متمرکز دی او د ملي لومړیتوب لرونکو پروګرامونو په چوکاټ کې طرحه شوو ستراتیژیکو پلانونو د تطبیق له لارې د همدغو اهدافو د ترلاسه کولو په لټه کې یو.

ښاغلي ارغندیوال وویل چې افغانستان د سولې په ټینګښت او د نړیوالو پراختیایې شریکانو د ژمنو په مټ د خپل سیاسي او اقتصادي ثبات نوې مرحلې ته داخلیدونکی دی چې د نورو برخو تر څنګ به د پانګونې لپاره ګڼ فرصتونه له ځان سره ولري. نوموړي زیاته کړه چې دغې اړتیا ته په کتو سره اړینه ده چې دولت او خصوصي سکتور په لا زیاته همغږۍ او قوت سره خپلې هڅې سره همغږې او مخکې له مخکې لومړیتوب لرونکې ساحې مشخصې کړي ښاغلي ارغندیوال پانګوالو ته ډاډ ورکړ، چې د افغانستان حکومت به له تاسو سره خپلو همکاریو ته دوام ورکوي او ستاسو هرې ستونزې ته به رسیدنه وکړي.

خبر

په دې ناسته کې د اقتصاد وزیر او د کرنې او اقتصادي پراختیا لپاره د ولسمشر ځانګړي استازي د اقتصادي اصلاحاتو، دوامداره اقتصادي ودې او خصوصي سکتور پراختیا لپاره د افغان حکومت لید لوري په اړه ګډونوالو ته معلومات ورکړل اود ګډونوالو پوښتنو ته هم ځوابونه وویل شول.

تازه خبرونه

شنبه ۱۳۹۹/۷/۵ - ۹:۵۴
Background image

د مالیې وزارت اداري مرستیال د ځینو مستوفیتونو کړنې او اجراآت وارزول

د مالیې وزارت اداري مرستیال ښاغلي محمد اسماعیل رحیمي، د اصلاحاتو او ملکي خدمتونو خپلواک کمېسیون د استازي په حضور کې د بامیانو، زابل، تخار، ارزګان، غزني او سرپل ولایتونو له مستوفیانو سره. . .

پنجشنبه ۱۳۹۹/۷/۳ - ۱۱:۴۲
Background image

د عامه او خصوصي مشارکت د لمریزي او بادي برېښنا د څلورو پروژو قراردادونه لاسلیک شول

د روان ۱۳۹۹ کال د تلي میاشتي په ۲ مه نېټه په چهارچنار ماڼۍ کې د افغانستان ولسمشر جلالتمآب محمداشرف غني، د ولسمشرۍ مانۍ لومړي مرستیال جناب امرالله صالح، د مالیې وزارت نوماند وزیر او. . .

چهارشنبه ۱۳۹۹/۷/۲ - ۸:۳۷
Background image

د مالیې وزارت نوماند وزیر او سرپرست د برښنا په چارو کې د ایران د نیرو (انرژۍ) د وزیر له مرستیال سره د دوه اړخیزه اقتصادي اړیکو په لا پراخېدو خبرې وکړې

د مالیې وزارت نوماند وزیر او سرپرست ښاغلي عبدالهادي ارغندیوال، د تلې میاشتې په ۱ نېټه د برښنا په چارو کې د ایران د نیرو (انرژۍ) د وزیر له مرستیال ښاغلي همایون حائري او له ده سره د مل. . .

BACK TO NEWS