مالياتي جريمو د بیا ځلي معافيت خبرتيا!
د کوچنيو متشبثو (اصنافو) لپاره د اسانتيا چمتو کولو او په خپل وخت د مالیې ورکړي ته د هڅولو په موخه د ا.ا.ا. د ماليې وزارت رهبرۍ پرېکړه کړې وه، چي د اصنافو د ثابتې ماليې نورم را ټيټ کړي او همدا راز د کوچنيو متشبثو (اصنافو) د تېرو کلونو مالياتي باقيات او مالياتي جريمې معاف کړي.
پر همدې اساس د ماليې وزارت د وړانديز او د ا.ا.ا. د جلالتمآب رئيس الوزراء د حکم له مخې تر (۱۴۰۰- ل) پورې مالياتي جريمې په داسي حال کي معاف سوي وې چي ماليه ورکوونکي خپل مالياتي مکلفيتونه تر (۲۹/۱۲/۱۴۰۰- ل) نېټې تحويل کړي.
خو د ځينو ستونزو له مخي ټولو اصنافو او کوچنیو متشبثو ونسوای کولای پر ټاکلي وخت خپلې مالیې تحویل او د جریمو مخنیوی وکړي؛ نو له همدې کبله د مالیې وزارت عوایدو عمومي ریاست په وړانديز او د ریاست الوزراء محترم مقام په منظوري د دې معافیت موده څلور میاشتي نوره هم (د ۰۱/۰۱/۱۴۰۱ څخه بیا تر ۳۰/۰۴/۱۴۰۱ نېټې پوري) اوږده کړل سوه.
نو ټول اصناف او کوچني متشبثین کولای سي چي د روان کال د چنګاښ د مياشتي تر ۳۰ پوري خپل ټول باقي ماليات له جريمو پرته تحويل کړي.
زموږ ماليه - زموږ هيواد - زموږ راتلونکی
