افغانستان او استرالیا په راتلونکې یوې لسیزې (۲۰۲۰-۲۰۳۰) کې د خپلو اړیکو او لیدلوري باندې خبرې وکړی
پروفیسور محمد همایون قیومی، د مالیې وزارت سرپرست او په زیر بنا په چارو کې د ولسمشری ماڼی ستر سلاکار، په استرالیا هیواد کې د تروریزم د مالي تمویل سره د مبارزې کانفرانس په څنډه کې ددې هیواد د بهرنیو، او داخلې او سوداګری وزیرانو سره وکتل. په دغه کتنوکې یې د دې هیواد د بهرنیو چارو او سوداګری له وزیرې آغلې ماریس پین سره د افغانستان او استرالیا هیواد د راتلونکې یوې لسیزې (۲۰۲۰-۲۰۳۰) اړیکو او لیدلور باندې خبرې وکړی. همدا رنګه آغلی پین ته ېې د افغانستان د اوسني اقتصادي، سیاسي، او امنیتي وضعیت په اړه معلومات ورکړل. دواړو خواوو د افغانستان، هند، او استرالیا هیوادونو ترمنځ د ترانزیت او سوداګری د پراختیا په هکله هم خبرې وکړې. آغلې پین افغانستان ته د خپل راتلوونکي سفر په هلکه قیومی صاحب ته معلومات ورکړل. دې ډاډ ورکړو چې استرالیا به د افغانستان سره د دوه اړخیزو او څو اړخیزو اړیکو او تعهداتو په چوکاټ کې خپلو مرستو ته ادامه ورکوي.
د استرالیا هیواد د کورنیو چارو له وزیر ښاغلي پیټر دتن سره په ولیدنه کې دواړو خواوو په افغانستان کې د اوسنی جګړې، تروریزم سره د مبارزې، او د تروریزم د مالي تمویل د ختمولو په هلکه په تفصیل سره بحث وکړو. له ده څخه یې د افغانستان د خلکو او حکومت په استازیتوب ددوی د مرستو اوزمونږ سره یو ځای در تررویزم سره د مبارزې په لاره کې د قربانیو مننه وکړه. ده هم ډاډ ورکړو چې د افغانستان سره خپلو مرستو ته به ادامه ورکوي. پردې سربیره یې ښاغلي دتن ته د افغانستان حکومت د منطقوي وصل او د افغانستان او مرکزي اسیا تر منځ د پروژو برنامو په هکله هم معلومات ورکړل.
