افغانستان کې د اسیایي پراختیا بانک (ADB) د پروګرامونو بررسۍ ناسته وشوه
افغانستان کې د اسیایي پراختیا بانک (ADB) د پروګرامونو بررسۍ ناسته د وري میاشتې په ۷ مه نېټه د مالیې وزارت مالي مرستیال ښاغلي زاهد همدرد، په مشرۍ، د نوموړي بانک، د ټولګټو، اوبو او انرژۍ، کرنې، اوبولګونې او مالدارۍ وزارتونو او د افغانستان برېښنا شرکت د استازو په ګډون ترسره شوه.
په دې ناسته کې په افغانستان کې د اسیایي پراختیا بانک (ADB) د پروګرامونو په بررسۍ، د خلکو او حکومت په لومړیتوبونو، د مرستو په اغېزمنتوب او ګټورتوب او همدا شان د ټرانسپورټ، اوبو او انرژۍ او کرنې د برخو په راتلونکو پلانونو هر اړخیزه بحثونه وشول.
د مالیې وزارت مالي مرستیال، د نوموړي بانک له مرستو څخه د مننې ترڅنګ د مرستو په موثریت او مثمریت ټینګار وکړ او د ادارو ترمنځ د همکارۍ او همغږۍ غوښتونکی شو.
