تېره اوونۍ د هیواد له ګمرکونو څخه (۶۰) ټانکره بې کیفیته تېل مسترد سوي دي!
د مالیې وزارت د نفتي موادو د کیفیت او څارني ریاست، چي د ټاکل سویو معیارونو له مخي هیواد ته د واردېدونکو نفتي موادو کیفیت معلوموي، تېره اوونۍ ئې د فراه ولایت د ابو نصر فراهي او د هرات ولایت د تورغونډۍ له ګمرکونو څخه (۶۰) ټانکره واردېدونکي بې کیفته تېل بیرته ګرځولي دي.
د مسترد سويو بې کیفته تېلو څخه یوازي (۴۱) ټانکره ئې د سها صفا پيټرولیم شرکت له لوري را واردېدل، چي له تثبیت وروسته د تورغونډۍ له ګمرک څخه بیرته وګرځول سول.
د مالیې وزارت د نفتي توکو د کیفیت او څارني ریاست د ټاکل سويو معتبرو معیارونو له مخي، هیواد ته د لوړ کیفیت او معیاري نفتي توکو واردولو ته زمینه برابروي او د بې کیفته نفتي توکو له واردولو څخه په کلکه مخنیوی کوي.
