تېره اوونۍ د هیواد په بېلابېلو ولایتونو کي په زیاته اندازه قاچاقي توکي نیول سوي دي!

د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د فراه، نیمروز، کندهار او هرات ولایتونو په بېلابېلو سیمو کي په زیاته اندازه قاچاقي توکي نیولي دي، چي قاچاق کوونکو غوښتل په پټه ئې افغانستان ته راوړي.
په نیول سویو توکو کي (۳۶،۹) ټنه مالګه، (۷۵۶۵) کیلو ګرامه رُب،(۱۰۹۲) کیلو ګرامه چاکلېټ، (۱۰۰۰) کیلو ګرامه نباتي غوړي، (۲۱۷۰) کیلو ګرامه مکروني، (۹۱۰) کیلو ګرامه لوبیا، (۵۷۵) کیلو ګرامه پلاستیکي کڅوړي، (۵۱۲) کیلو ګرامه تینر، (۵۱۵) کیلو ګرامه کارټن، (۶۰۷) کیلو ګرامه هګۍ، (۳۱۸) کیلو ګرامه بيسکوټ، (۲۰۶۱) کیلو ګرامه رنګ، (۲۸۰) کیلو ګرامه یو وار مصرف لوښي، (۱۲۵) کیلو ګرامه ټوکر او (۴۰) کیلو ګرامه  بنګړي شامل دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي دوامداره فعالیت کوي او هیچا ته اجازه نه ورکوي، چي ممنوعه او قاچاقي توکي ولېږدوي.