تېره اوونۍ په بېلابېلو ولایتونو کي ګڼ شمېر قاچاقي توکي نیول سوي دي!

د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د نیمروز، فراه، هرات او ننګرهار ولایتونو په بېلابېلو سیمو کي ګڼ شمېر قاچاقي توکي نیولي دي، چي قاچاق کوونکو غوښتل په پټه ئې افغانستان ته راوړي.
په نیول سویو توکو کي (۲۴۹۷) کیلو ګرامه انساني طبي درمل، (۳۱۵۳) کیلو ګرامه رُب، (۱۶۳۲) کیلو ګرامه چاکلېټ، (۱۱۰۲) لېټره تینر، (۱۲۵۰) کیلو ګرامه مالګه، (۷۲۸) کیلو ګرامه مکروني، (۴۳۶) کیلو ګرامه د اوړو اړوند مواد (خمیر مایه)، (۶۶۹) کیلو ګرامه غوړي، (۳۸۵) کیلو ګرامه زراعتي درمل، (۴۲۰) کیلو ګرامه خامه پنیر، (۵۰۰) کیلو ګرامه ساچمه (په نشه یي توکو کي کارول کېږي)، (۶۷۵) کیلو ګرامه د چرګانو دانه، (۱۸۰) کیلو ګرامه وچي شیدې، (۱۲۰) کیلو ګرامه لوبیا او (۱۰۰) کارټنه بوټونه او څپلۍ شامل دي.
نیول سوي توکي او تورن کسان د نورو اجراآتو لپاره اړونده ګمرکونو ته سپارل سوي دي.