د ابو نصر فراهي په ګمرک کي د څه باندي (۷۱) میلیونه افغانیو په ارزښت د څلور بابه هنګرونو د جوړېدو پروژه پرانيستل سوه!
د کب ۲۱مه ۱۴۰۳هـ.ل
د ګمرکونو لوی ریاست تېره ورځ د فراه ولایت د ابو نصر فراهي په ګمرک کي د (۷۱،۸) میلیونه افغانیو په ارزښت د څلور بابه هنګرونو د جوړولو پروژې پرانیستنه وکړه.
په دې پرانیستغونډه کي د ګمرکونو لوی ریاست د حمایت او پراختیا رئیس مسلم خاکسار، د ابو نصرفراهي ګمرک رئیس مولوي خلیل الرحمن مصطفی او د یادي پروژې تخنیکي کارکوونکو ګډون کړی وو.
د یادي پروژې بودیجه د مالیې وزارت له پراختیایي بودیجې څخه ورکول کېږي او چاري به ئې تر راتلونکو (۱۰) میاشتو پوري د یوه افغاني شرکت له لوري بشپړي سي.
د یادولو ده، چي هر یو هنګر به په یوه وخت کي د (۵۰۰۰) میټریک ټنه توکو د ځایېدو ظرفیت ولري، چي په جوړېدو سره به ئې سوداګرو ته د سوداګریزو توکو د خوندي ساتلو په برخه کي ګڼي اسانتیاوي رامنځته سي.
