د ارزښت پر زیاتوالي مالیې پلي کولو په تړاو د چمتوالي مشورتي ناسته
د مالیې وزارت سرپرست ښاغلي محمد خالد پاینده، د کب میاشتې په ۷ مه نېټه د پیسو نړیوال وجهي صندوق، نړیوال بانک او اروپایي ټولنې له مسؤلینو سره د ارزښت پر زیاتوالي مالیې پلي کولو په تړاو مشورتي ناسته وکړه او د ارزښت پر زیاتوالي مالیې پلي کولو په برخه کې یې د مالیې وزارت په چمتووالي بحث وکړ.
په دې ناسته کې پرېکړه وشوه، چې د مالیې وزارت او یادو بنسټونو ترمنځ د ارزښت پر زیاتوالي مالیې پلي کولو په موخه اړینه همغږي رامنځته او مالیې وزارت دې د ارزښت پر زیاتوالي مالیې پلي کولو لپاره خپل چمتووالی ولري.
