د افغانستان او اروپایي ټولنې دویمه ګډه کمېټه د دوه اړخیزه اړیکو پراخېدو ښکارندویي کوي

۱. د مشارکت او پراختیا (CPAD) لپاره د افغانستان او اروپایي ټولنې د همکارۍ هوکړه لیک دویمه ګډه کمېټه د غویي میاشتې په ۲۴ مه نېټه په کابل کې تر سره شوه. دغه کمېټه د افغانستان او اروپایي ټولنې ترمنځ د مشارکت او پراختیا د همکاریو هوکړه لیک چې په ۲۰۱۷ کال کې لاسلیک شوی وو د پلي کولو څارنه کوي، څو د دوه اړخیزه اړیکو ټینګښت لپاره د دواړو لوریو ژمنې د جامع مشارکت له لارې څرګندې شي.   

لومړۍ کمېټه د ۲۰۱۸ کال فبرورۍ په میاشت کې په بروکسل کې جوړه شوه.

۲. کمېټه د افغانستان او اروپایي ټولنې د کاري ډلې پرمټ تېره اوونۍ پیل شوې وه. د پراختیا په اساس ځانګړی کاري ګروپ، د اقتصادي او ټولنیزې پراختیا په اساس کاري ګروپ، د بشر حقونو، ښې حکومتولۍ او ګډوالو په اساس کاري ګروپونه.

  ۳. ګډې کمېټې د افغانستان او اروپایي ټولنې کورني بدلونونه او په دې سربېره یې سیمه ایزه او نړیواله پراختیا وڅېړله. افغانستان او دې ټولنې په ځانګړي ډول د پراختیایي همکاریو، سوداګرۍ، پانګونې، ښې حکومتولۍ، بشرحقونو، بشردوستانه مسائلو او کډوالۍ په تړاو هر اړخیزې خبرې وکړې.

 دا راز دواړو لوریو د ټاکنو پروسې او راتلونکو ولسمشرۍ ټاکنو په تړاو  بحث وکړ، چې په افغانستان کې د دموکراسۍ د پیاوړتیا لپاره اړینې دي.

۴.ګډې کمېټې د افغانستان د سولې لپاره له اوسنۍ پروسې هرکلی وکړ او د افغانستان د خلکو پیاوړې ارادې لپاره یې د سولې په حل او فصل باندي ټینګار وکړ.  نه یوازي دا چې جګړې ته د پای ټکی کېږدي، بلکه د تېرو ۱۸ کلونو سیاسي، اقتصادي او ټولنیزې لاسته راوړنې، په ځانګړې توګه د ښځو، ماشومانو او اقلیت حقونه خوندي پاتي شي.

۵.کمېټې د افغانستان او اروپایي ټولنې د اسیا او اروپا اتصال له سټراتېژۍ سره په همغږۍ د اوږدمهاله همکاریو په موخه د ریښتینو ګامونو پورته کولو په تړاو بحث وکړ.

۶. د افغانستان پلاوي مشري د مالیې وزارت سرپرست ښاغلي ډاکټر محمد همایون قیومي، او د اروپایي ټولنې له لوري د اسیا پاسفیک لپاره د اروپایي ټولنې رئیس ښاغلي ګونارویګند، په غاړه درلوده.

۷. تمه ده چې د ګډې کمېټې را روانه ناسته په ۲۰۲۰ کال په بروکسل کې تر سره شي.