د افغانستان او تاجیکستان تر منځ د دوه اړخیزه اقتصادي او سوداګرۍ ګډ کمېسیون د جوړیدو په موخه د چمتو والي ناسته جوړه شوه
د افغانستان او تاجیکستان تر منځ د دوه اړخیزه اقتصادي او سوداګرۍ ګډ کمېسیون د جوړیدو په موخه د چمتو والي ناسته نن د چنګاښ میاشتې په ۸ مه نېټه د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي په مشرۍ جوړه شوه.
په دې ناسته کې چې د صنعت او سوداګرۍ، ترانسپورت، کرنې، اوبو لګونې او مالدارۍ، اوبو او انرژۍ وزارتونو همداشان د نفت او ګازو، ریل پټلۍ او چاپیریال ساتنې ادارو مرستیالانو ګډون کړې وو، د افغانستان له لوري د یادو هیوادو تر منځ د دوه اړخیزه اقتصادي او سوداګرۍ ګډ کمېسیون د جوړیدو په چمتو والي او له دې کمېسیون څخه د دواړو لوریو په غوښتنو هر اړخیز بحث وشو.
ټاکل شوی ده چې د افغانستان او تاجیکستان تر منځ دوه اړخیزه اقتصادي او سوداګرۍ ګډ کمېسیون په روانه اوونۍ کې په تاجیکستان کې جوړ شي.
