د افغانستان د بیا رغونې وجهي صندوق میاشتنۍ ناسته ترسره شوه
د افغانستان د بیارغونې وجهي صندوق ناسته د سلواغې میاشتې په ۲۹ مه نېټه د مالیې وزارت او نړیوال بانک په ګډه مشرۍ ترسره شوه .
په دغه ناسته کې د مالیې وزارت مالي مرستیال ښاغلي عبدالحبیب ځدران ، د نړیوال بانک او د افغانستان د بیارغونې وجهي صندوق د تمویلونکو استازو ګډون کړی و، په دغه ناسته کې د افغانستان د بودیجې تمویل لپاره د یاد صندوق په کلنۍ کمکي بستې، د دوه اړخیزو ژمنو په پلي کولو، د یاد صندوق اوسنی مالي وضعیت او د افغانستان د بیا رغونې وجهي صندوق سره د تمویلونکو په راتلونکو مرسته او یو شمېر نورو اړوندو مسائلو په اړه بحث او خبرې وشوې .
د یادونې وړ ده چې د افغانستان د بیا رغونې وجهي صندوق میاشتنۍ ناستو موخه د نویو پرګرامونو ، موجوده ستونزو او مالي وضعیت په اړه بحث دی .