د افغانستان د مالیاتي نظام د ارزوني په موخه د هيواد د ولایتي مستوفیتونو سره انلاین ناسته وسوه
د مالیې وزارت د عوایدو لوی ریاست رهبري د هيواد د مالیاتي نظام د ارزوني په موخه د ولایتي مستوفیتونو له مسولینو سره مجازي ناسته (ویډیويي کنفرانس) ترسره کړ.
د مالیاتي قوانینو، پالیسیو او د هغوی د استراتیژیو د اصلاحاتو (رِفورم) د ارزوني او بیاکتني لومړۍ ناسته چي پکښي د مالیې وزارت د عوایدو لوی رئیس شیر محمد مشفق، د دغه ریاست عملیاتي مرستیال معراج محمد معراج، د عوایدو د حقوقي خدمتونو او پالیسیو رئیس ندا محمد صدیقي، د ولایتي عوایدو د پراختیا او انسجام رئیس حافظ شاه حسین حسیني، د هيواد د ولایتي مستوفیتونو د مسولینو او د عوایدو لوی ریاست د آمرینو په ګډون کړی وو، ترسره سوه.
د عوایدو لوی ریاست په پام کي لري، چي د افغانستان د مالیاتو نظام ارزولو او بیاکتني لپاره د معلوماتو راټولولو په برخه کي یوه څېړنه او نظر پوښتنه پیل کړي.
له دې امله چي ډېری سوداګر، صنعتکاران او مالیه ورکوونکي چي د مالیاتو له شته نافذه قوانینو څخه په عمده توګه د خپلو مواردو په اړه راضي نه دي، نو له همدې امله د مالیې وزارت د عوایدو عمومي ریاست مشرتابه پرېکړه وکړه چي دا موضوع د هر اړخیزي ارزوني په ترسره کولو سره وڅېړي.
د دې لړۍ د څېړنیزو غونډو له جوړولو څخه موخه د هيواد د مالیاتو په سیستم کي د عوایدو د راټولولو د څرنګوالي ارزونه او له سره ورباندي غور کول دي.
