د باغ بالا په سیمه کي د تفریحي پارک جوړولو تړون لاسلیک سو!
د چنګاښ ۳۱مه ۱۴۰۴هـ.ل
د مالیې وزارت او حبیب الله ځاځي شرکت ترمنخ د باغ بالا په سیمه کي د تفریحي پارک د جوړولو تړون لاسلیک سو.
په همدې تړاو جوړه سوې ناسته کي د مالیې وزارت اداري معین مولوي دوست محمد مخلص، د چارو ادارې لوی ریاست د امارت د پالیسۍ مرستیال مولوي عبدالباري عاطف او د حبیب الله ځاځي شرکت رئیس ګډون درلود.
د مالیې وزارت اړوند د کابل په ښار څلورمه ناحیه کي د باغ بالا تفریحي پارک د سیمي تړون، چي قرار داد ئې د عامه او خصوصي مشارکت له لاري د ریاست الوزراء اقتصادي معاونیت د (۴۰۶) ګڼي او (۲۰/۱/۱۴۴۷) نېټې حکم پر بنسټ مخکي منظور سوی وو؛ لاسلیک سو.
دغه تفریحي پارک، چي مساحت ئې (۱۶۰) جریبه دئ، تړون ئې د (۳۶۶،۸۹۲،۸۹۰) میلیونه افغانیو په پانګوني سره د (۲۰) کلونو له پاره منظور سوی، چي (۲) کاله به ئې د ودانیزو چارو موده او (۱۸) کاله به ئې د ګټي اخیستني موده وي. د شرکت د ګټي اخیستني په موده کي ئې له ناخالصو عوایدو څخه د امارت ونډه (۳۱) سلنه او د شرکت ونډه (۶۹) سلنه ټاکل سوې ده.
د یادوني ده، چي د دغه تفریحي پارک په جوړولو سره به د کابل ښار په سمسورتیا سربېره، یو شمېر هیوادوالو ته د کار زمینه هم برابره او د ملي عوایدو په کچه کي به زیاتوالی راسي.
