د بلخ ولایت په نائب اباد ګمرک کي د (۳۰،۵) میلیونه افغانیو په ارزښت د سایوان جوړولو پروژه پیل سوه!
د مالیې وزارت د ګمرکونو لوی ریاست له لوري د بلخ ولایت د څلورم پورټ (نائب اباد) په ګمرک کي د (۳۰،۵) میلیونه افغانیو په ارزښت د سوداګریزو توکو د تشرېح له پاره د سایوان جوړولو پروژه پیل سوه.
د دې پروژې په پلي کېدو سره به د ګمرکي تشرېح پر مهال د سوداګریزو توکو د خوندیتوب په برخه کي سوداګرو او د ګمرک کارکوونکو ته ګڼي اسانتیاوي رامنځته سي.
د یادي پروژې لګښت د مالیې وزارت له پراختیایي بوديجې څخه ورکول کېږي او چاري به ئې تر راتلونکو (۱۰) میاشتو پوري بشپړي سي.
د یادوني وړ ده، چي د مالیې وزارت له خپلي پراختیایي بودیجې څخه له دې وړاندي هم، په ګڼو ګمرکونو کي پراختیایي پروژې پلي کړي دي او ځیني ئې د پلي کېدو په حال کي دي.
