د تورخم په ګمرک کي جعلي سندونه نیول سوي دي!
د سلواغې ۳۰مه ۱۴۰۳هـ.ل
د تورخم ګمرک د ځانګړې مفرزې قطعې د ګزمې پر مهال یو شمېر جعلي سندونه، چي په ډېر مهارت سره ځای پر ځای سوي وو او قاچاق کوونکو غوښتل په پټه ئې افغانستان ته راوړي کشف او ضبط کړل.
په دې نیول سویو جعلي سندونو کي (۱۰۰۲) دانې نکاح لیکونه، (۳۱۵) دانې د موټرونو لایسنسونه، (۴۷۱۶) دانې د بهرنیو چارو وزارت ټاپې، (۴۴۰) دانې امارتي تذکرې او (۵۹۰) دانې د تېر نظام تذکرې شاملي دي.
په دې تور دوه کسان نیول سوي دي، چي له لومړنیو پلټنو وروسته به د نورو اجراآتو په موخه اړوندو ارګانونو ته ور وپېژندل سي.
