د تورخم په ګمرک کي هيواد ته د یو شمېر نظامي تجهیزاتو له راوړلو څخه مخنیوی وسو
د تورخم ګمرک د تشرېح برخي ځیرکو کارکوونکو په یوه وارداتي سوداګریزه محموله کي بېلابېل ډول نظامي تجهیزات، چي قاچاق کوونکو غوښتل په پټه ئې هیواد ته راوړي کشف او ونیول.
په نیول سوو نظامي تجهیزاتو کي د (CZ) په نوم یو میل ټوپک، (۷) شاجورونه، درې ميله کرنکوف، دوه عدده کنداغونه، (۹۹) فايره د (M16) مرمۍ او دوه عدده دوربینونه شامل دي.
نیول سوي نظامي تجهیزات او تورن کس د نورو اجراآتو له پاره اړوندو ارګانونو ته سپارل سوي دي.
