د دوست هیواد ترکیې سفیر د مالیې له وزیر سره د اړیکو پر لاټینګېدو خبري وکړې
د مالیې وزیر الحاج ملا هدایت الله بدرۍ نن د افغانستان لپاره د دوست هیواد ترکیې له سفیر جهاد ارګین ای، او مل پلاوي سره د وکتل.
په دې کتنه کي چي د مالیې وزارت یو شمېر رئیسانو او مسؤلینو هم ګډون کړی وو، دواړو لوریو له افغانستان سره د ترکیې هیواد پر مخکنیو مرستو، په نوي نظام کي د پوهني، سوداګرۍ او رغنیزو چارو په برخه کي د مرستو پر دوام، سوداګرۍ پیاوړې کېدو، د افغان کادرونو په روزلو، بشري مرستو په ترسره کېدو، افغانستان کي پر پراخي پانګوني، پراختیایي پروژو پلي کولو او یو شمېر نورو ورته مسایلو په تړاو خبري وکړې.د ترکیې هیواد سفیر جهاد ارګین ای وویل، چي ترکیه له افغانستان سره پخوانۍ او نه پرېکېدونکي اړیکي لري او ترکان افغانانو ته د وروڼو په سترګه ګوري. نوموړي زیاته کړه، چي ترکیه یوازینی هیواد دی چي د تحول په موده کي د افغانستان ترڅنګ ودرېدی، خپل فعالیتونه یې روان وساتل او د دې هیواد له لوري روانې پراختیایي او نوري پروژې هم پرمخ بیایي.
د مالیې وزارت سرپرست د ترکیې هیواد سفیر او خلکو له مرستو او اړیکو ساتلو څخه د منني ترڅنګ وویل، چي ترکیه په اسلامي هیوادونو کي هغه هيواد دئ چي زموږ سره ډېر زیات مشترکات لري او افغانستان به له دې هیواد سره خپلي ټولي اړیکې پیاوړي او تل پاتي وساتي.
