د روزنیز پروګرام ګډونوالو ته سرټیفیکټونه ورکړل سول
د مالیې وزارت بشري سرچینو ریاست د همېشنیو هلو ځلو په دوام، د دغه ریاست مسؤلینو د هیواد د مرکز زون یو شمېر ولایتونو نوو ګمارل سوو کارکوونکو ته د مالیاتو قوانین، بررسۍ او سکټاس په برخه کي تخنیکي او مسلکي روزنه ورکړه.
د تخنیکي او مسلکي روزني، روزنیز پروګرام چي د روان کال سنبلې میاشتي په ۷مه نېټه د ګمرکونو په ملي اکاډمۍ کي پیل سوی وو، د همدې میاشتي په ۱۶مه نېټه یادو کسانو ته د سرټیفیکټونو په وېشلو سره پای ته ورسېده. په دغه روزنیز پروګرام کي د لوګر، خوست، پکتیا او پکتیکا ولایتونو یو شمېر نوو ګمارل سوو کارکوونکو ګډون کړی وو.
د دې پروګرام د پای په غونډه کي د بشري سرچینو رئیس احمد شاه شاکر، ګډونوالو ته د مبارکۍ ترڅنګ وویل: ستاسو په روزنه هم د بیت الما لګښت سوی او هم ستاسو په ګډون انساني سرچینو خپل قیمتي وخت درسره مصرف کړی، نو له تاسو څخه زموږ هیله داده، چي له درکړل سوي روزني څخه عظمي ګټه واخلئ او دا هیواد چې ستاسو ملاتړ ته اړتیا لري له خپلو زده کړو او تجربو بې برخي نه کړئ.
هېره دي نه وي چي د مالیې وزارت د بشري سرچینو ریاست له لوري نویو ګمارل سوو کسانو ته د ظرفیت لوړوني په موخه تل روزنیز پروګرامونه چمتو کېږي او د اسلامي امارت له راتګ سره تراوسه پوري زیات شمېر کارکوونکي له مسلکي او تخنیکي زده کړو برخمن سوي دي.
