د سیمه ایزې همکارۍ چوکاټ جوړولو په تړاو د افغانستان، تاجیکستان او پاکستان درې اړخیزه ناسته
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د نړیوال بانک او پیسو نړیوال صندوق ۲۰۱۹ کال پسرلنۍ ناستو کې د ګډون په مهال د څنډو ناستو په دوام د وري میاشتې په ۲۳ مه نېټه د نړیوال بانک د استازي په وړاندي د پاکستان د مالیې له وزیر او تاجیکستان هیواد له استازي سره درې اړخیزه ناسته وکړه.
په دې ناسته کې د سیمه ایزې همکارۍ چوکاټ په جوړېدو او په راتلونکي کې د تخنیکي بحثونو لپاره د زمینې په برابرولو، د کاسا ۱۰۰۰ پروژې، د ګمرکي اطلاعاتو په تبادله، سیمه ایزه نښلونه او همکاریو، هندوستان او سویلې اسیا ته د واګه بندر له لارې د سوداګریزو توکو په لېږد او نورو مسائلو په تړاوه درې اړخیزه خبرې او د نظر څرګندونې وشوې.
د مالیې وزارت سرپرست ټینګار وکړ، موږ اړتیا لرو چې د اړیکو ښو پراخولو لپاره سیمه ایزې همکارۍ له کوچنیو موضوعاتو څخه پیل او په تدریجي توګه یې سترو موضوعاتو ته پراخې کړو.
