د فراه ولایت د ابو نصر فراهي په ګمرک کي د څلور بابه هنګرونو د جوړولو چاري (۷۰) سلنه بشپړي سوي دي
د لېندۍ ۲مه، ۱۴۰۴هـ.ل
د مالیې وزارت د ګمرکونو لوی ریاست له لوري د فراه ولایت د ابونصر فراهي په ګمرک کي د (۷۱.۸) میلیونه افغانیو په ارزښت د څلور بابه هنګرونو د جوړولو چاري دوام لري، چي تر دې دمه ئې (۷۰) سلنه رغونه بشپړه سوې ده.
یاد هر یو هنګر به په یوه وخت کي د (۵۰۰۰) میټریک ټنه توکو د ځایولو ظرفیت ولري، چي په جوړېدو سره به ئې د توکو د خوندي ساتلو په برخه کي سوداګرو ته ګڼي اسانتیاوي برابري سي.
د یادوني وړ ده، چي د یادو هنګرونو د جوړولو پروژې لګښت د مالیې وزارت له پراختیایي بودیجې څخه ور کول کېږي او چارې ئې د یوه افغاني شرکت له لوري پر مخ وړل کېږي.
