د مالیې او پوهنې وزارتونو ترمنځ د کړنو او عامه مالي اصلاحاتو ښه پلي کولو په موخه هوکړه لیک لاسلیک شو

admin_mof
پنجشنبه ۱۳۹۹/۵/۱۶ - ۹:۱۷
خبر

د مالیې وزارت مالي مرستیال ښاغلي عبدالحبیب ځدراڼ د زمري میاشتې په ۱۵ مه نېټه د پوهنې وزارت له مالي او اداري مرستیال ښاغلي عبدالسبحان روف سره د کړنو او عامه مالي اصلاحاتو ښه پلي کولو په موخه هوکړه لیک لاسلیک کړ.

په دې مراسمو کې د مالیې او پوهنې وزارتونو یو شمېر رئیسانو او کارکوونکو ګډون کړی وو، د مالیې وزارت مالي مرستیال وویل، چې مالي ثبات د افغانستان حکومت لومړیتوب دی، چې هغو ته د لاسرسي لپاره په ۱۳۹۵ کال کې د افغانستان اسلامي جمهوریت جلالتماب ولسمشر محمد اشرف غني په نوښت د مالي کړنو ښه کولو پروګرام د مالي خطرونو او د مالي مدیریت د سیستم پراختیا د ارزونې پر بنسټ رامنځته شو.

ښاغلي ځدراڼ زیاته کړه، چې د دې هوکړه لیک موخه د پوهني په وزارت کې د کړنو او عامه مالي اصلاحاتو پروګرام پلي کولو لپاره د دواړو اړخونو ترمنځ د همکاریو پیاوړتیا او پراختیا، د کورنیو او بهرنیو شریکانو په کړنو کې د لا روڼتیا لپاره د نظارتي میکانیزم رامنځته کول، د حساب ورکولو او کړنو ښه والي لپاره د ودې لرونکي او پایداره اقتصاد رامنځته کول، د افغانستان د کړنو مدیریت معلوماتي سیستم له لارې د واحد پلان جوړونې او واحد حساب ورکولو میکانیزم دودول، د ښو کړنو له مخې د مکافاتو رامنځته کول، د اصلاحاتو پلي کیدو لپاره د سرچینو پیدا کول او د عامه مالي اصلاحاتو پلي پر وړاندې د فردي او ګډو مسؤلیتونو تنظیم ده.

د پوهنې وزارت مالي او اداري مرستیال ښاغلي عبدالسبحان روف د مالیې له وزارت سره په ملتیا په ټاکلي موده کې د عامه مالي مدیریت د اصلاحاتو په پروګرام کې د حساب ورکړې او په لګښتونو کې د روڼتیا راوستو ژمنه وکړه.

خبر

د یادونې وړده، چې د کړنو او عامه مالي اصلاحاتو پروګرام، بودیجوي، د غوره موثرو، مثمرو او عامه خدمتونووړاندي کول، د ستراتېژيکو او پایداره سرچینو خوندیتوب، د مالي انضباط پیاوړتیا او څلورو لومړیتوب لرونکو اهدافو ته لاسرسی، د پراختیایي اقتصاد جوړول، د ښو کړنو او حکومتولۍ له لارې ښه حساب ورکړه، په کړنو کې د روڼتیا او نورو ورته مسایلو موخې تعقیبوي.

تازه خبرونه

شنبه ۱۳۹۹/۷/۵ - ۹:۵۴
Background image

د مالیې وزارت اداري مرستیال د ځینو مستوفیتونو کړنې او اجراآت وارزول

د مالیې وزارت اداري مرستیال ښاغلي محمد اسماعیل رحیمي، د اصلاحاتو او ملکي خدمتونو خپلواک کمېسیون د استازي په حضور کې د بامیانو، زابل، تخار، ارزګان، غزني او سرپل ولایتونو له مستوفیانو سره. . .

پنجشنبه ۱۳۹۹/۷/۳ - ۱۱:۴۲
Background image

د عامه او خصوصي مشارکت د لمریزي او بادي برېښنا د څلورو پروژو قراردادونه لاسلیک شول

د روان ۱۳۹۹ کال د تلي میاشتي په ۲ مه نېټه په چهارچنار ماڼۍ کې د افغانستان ولسمشر جلالتمآب محمداشرف غني، د ولسمشرۍ مانۍ لومړي مرستیال جناب امرالله صالح، د مالیې وزارت نوماند وزیر او. . .

چهارشنبه ۱۳۹۹/۷/۲ - ۸:۳۷
Background image

د مالیې وزارت نوماند وزیر او سرپرست د برښنا په چارو کې د ایران د نیرو (انرژۍ) د وزیر له مرستیال سره د دوه اړخیزه اقتصادي اړیکو په لا پراخېدو خبرې وکړې

د مالیې وزارت نوماند وزیر او سرپرست ښاغلي عبدالهادي ارغندیوال، د تلې میاشتې په ۱ نېټه د برښنا په چارو کې د ایران د نیرو (انرژۍ) د وزیر له مرستیال ښاغلي همایون حائري او له ده سره د مل. . .

BACK TO NEWS