د مالیې نوماند وزیر او سرپرست د افغانستان لپاره د کاناډا له سفیر سره له افغانستان سره د ياد هیواد د مرستو اغېز زیاتېدو لپاره په لا همغږۍ خبرې وکړې
د مالیې نوماند وزیر او سرپرست ښاغلي عبدالهادي ارغندیوال، د چنګاښ میاشتې په ۴ مه نېټه د افغانستان لپاره د کاناډا له سفیر ښاغلي ډیو متکلف، سره د ویډیو کنفرانس له لارې خبرې وکړې.
په دې لیدنه کې چې د مالیې وزارت مالي مرستیال ښاغلي عبدالحبیب ځدراڼ، هم شتون درلود، دواړو لوریو له افغانستان سره د کاناډا هیواد د مرستو اغېز زیاتېدو لپاره په لا همغږۍ، د خلکو پر ژوند او د هيواد په اقتصاد د کرونا ویروس په منفي اغېزو، د دې ویروس له خپرېدو سره په ستونزو، له فساد سره د مبارزې په برخه کې په مالیې وزارت کې د یوه راڼه سیستم په رامنځته کېدو، په ۲۰۲۰ کال د افغانستان لپاره د پراختیایي کنفرانس جوړېدو لپاره په چمتو والي، چې ټاکل شوې ده، د روان کال په وروستیو کې د افغانستان او فنلنډ په ګډ کوربتوب په جینوا کې ترسره شي او یو شمېر نورو اړوندو مسایلو په تړاو بحث د نظرونو تبادله وکړه.
د یادونې وړ ده، چې یاده ناسته د افغانستان او کاناډا د حکومتونو ترمنځ د پالیسۍ په کچه د لا زیاتې همغږۍ رامنځته کېدو په موخه د دې هیواد د مرستو د اغېز لوړولو لپاره ترسره شوه.
