د مالیې وزارت د عامه پانګوني د مدیریت ریاست د بودیجوي واحدونو (۶۶) پراختیايي پروژې تائید کړې!

admin_mof
پنجشنبه ۱۴۰۲/۱۲/۳ - ۱۰:۲۸
....................

 

د مالیې وزارت د پالیسۍ معینیت د عامه پانګوني لوی ریاست د عامه پانګوني د مدیریت ریاست له ملي لومړیتوب سره سم د اسلامي امارت اهدافو ته د رسېدو په موخه د غوره پروژو د ټاکلو، د مالي سرچینو د سپما او د پروژو د ستراتيژیک تحلیل لپاره د بودیجوي واحدونو د پراختیایي پروژو د مالي او اقتصادي تجزیې او تحلیل مسؤلیت په غاړه لري.
دغه ریاست همدارنګه د مالي او اقتصادي تحلیل، له پانګوني وړاندي پروسې او د پراختیایي پروژو د تائید په موخه د پروژو د ارزوني له کمېټې سره د ناستو د ترسره کولو د لارښود چمتو کولو او ترتیبولو مسؤلیت لري.
د عامه پانګوني د مدیریت ریاست د پروژو د ارزوني کمېټې (PEC) له لاري له پانګوني وړاندي مرحله کي د بودیجوي واحدونو ټولي نوي پراختیايي پروژې پراختیايي لومړیتوبونو ته په کتو ټاکي؛ په همدې اساس، بودجوي واحدونو ته د متحد المال په استولو او د یادي کمېټې له لاري د غونډو په جوړولو سره توانېدلی، چي د (۱۴۰۳) مالي کال لپاره (۲۱۶) پراختیايي پروژې پیدا او له دې ډلي (۱۲۱) پروژې تر تحلیل او ارزوني وروسته تائيد کړي؛ خو د پروژو د ارزوني کمېټې د پرېکړي او د اسلامي امارت د مالي محدودیتونو او پراختیايي لومړیتوبونو په پام کي نیولو سره، بالآخره (۶۶) نوي پرمختیايي پروژې د ملي بودیجې په سند کي د شاملولو په موخه تائید سوې.
د یادوني وړ ده، چي د اسلامي امارت له بیا واکمنۍ وروسته دغه ریاست یوازي هغه پروژې، چي د ملي بودیجې له لاري تمویلېږي ترلاسه او اروزي او د هغو پراختیايي لومړیتوبونو پر بنسټ، چي د افغانستان په اقتصادي کنفرانس (کرنه، روغتیا، کانونو او خصوصي سکټور) کي مطرح سوي ول ټاکي، همداراز د وزارتونو او خپلواکو ادارو پراختیايي پلانونه هم پکښي شامل دي.

وروستی خبرتیاوينور دلته

یکشنبه ۱۴۰۲/۱۱/۸ - ۱۵:۵۹
Background image

د مالياتي محاسبينو د اتمي دورې د ازمويني لپاره د نومليکني خبرتیا!


د عوایدو لوی ریاست اړوند د حقوقي خدمتونو او پالیسۍ ریاست په پلان کي لري، چي د اتمي دورې د مالیاتي محاسبینو ازمویني لپاره له (08/11/1402 تر 08/12/1402) نېټې پوري نوم لیکنه ترسره کړي. له . . .

تازه خبرونه

سه‌شنبه ۱۴۰۳/۱/۲۸ - ۱۳:۵۵
Background image

‏ د عوایدو لوی ریاست له لوري د هیواد په ۳۴ ولایتونو کي د عامه پوهاوي بنرونه نصب سول!

په یو معتدل نظام کي د ټولو مهمو چارو په تړاو ولس ته حساب او وضاحت ورکول یو منل سوی اصل ګڼل کېږي، چي د همدې اصل پر بنسټ مالیې وزارت هم ولس ته د خپلو چارو د پوهاوي او حساب ورکولو په برخه. . .

دوشنبه ۱۴۰۳/۱/۲۷ - ۱۵:۴۰
Background image

د ګمرکونو لوی رئیس د کندهار، نیمروز او فراه ولایتونو د ګمرکونو له رئیسانو سره وکتل!

 

 د کوچني اختر د رختصیو له پای ته رسېدو سره هم مهاله، د ګمرکونو لوی رئیس الحاج مفتي عبدالمتین سعید د یوه پلاوي په مشرۍ کندهار ولایت ته د رسمي سفر په ترڅ کي د کندهار، نیمروز او فراه. . .

دوشنبه ۱۴۰۳/۱/۲۰ - ۱۳:۲۰
Background image

د ماليې وزارت د گمرکونو او عوایدو معین د سمنگان او جوزجان ولایتونو له مستوفیتونو څخه لیدنه وکړه!



د گمرکونو او عوایدو معینیت معین ښاغلي ملا عبدالقاهر (حاجي ادریس) سمنگان او جوزجان ولایتونو ته د خپل رسمي سفر په ترڅ کي د دغو ولایتونو له مستوفیتونو څخه لیدنه وکړه .
په دغو لیدنو کي، چي. . .

BACK TO NEWS