د مالیې وزارت د هند اقتصادي چارو له مرستیال سره د دوه اړخیزه اقتصادي همکاریو پراختیا په تړاو خبرې وکړې
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د نړیوال بانک او پیسو نړیوال صندوق ۲۰۱۹ کال پسرلنۍ ناستو کې د ګډون په مهال د څنډو ناستې په دوام د وري میاشتې په ۲۳ مه نېټه د هند اقتصادي چارو له مرستیال ښاغلي سوباش چندرا ګرګ، سره د دوه اړخیزه اقتصادي همکاریو پراختیا، د سوداګرۍ، ټرانزیټ، پوهنې، لوړو زده کړو، مالي او بانکدارۍ، د شاتوت بند د کار په پرمختګ، له افغانستان سره د ډیجټلي اقتصاد په برخه کې د هندوستان په مرستو او یو شمېر نورو مسائلو په تړاو خبرې او د نظرونو تبادله وکړه.