د مالیې وزارت سرپرست او د سریلانکا ولسمشر د دواړو هیوادونو ترمنځ د مستقیم هوایي کریډور په ارزښت ټینګار وکړ

admin_mof
دوشنبه ۱۳۹۸/۱۱/۲۱ - ۹:۵۸
خبر


د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د سلواغې میاشتې په ۲۰ مه د سریلانکا له ولسمشر ښاغلي ګوتابیا راجاپکشا، سره په کلمبو ښار کې وکتل.
په دې لیدنه کې چې په یاد هیواد کې د افغانستان سفیر هم شتون درلود، په پیل کې د مالیې وزارت سرپرست د جلالتمآب ولسمشر محمد اشرف غني، پیغام هغوی ته وړاندي کړ او له هغه یې افغانستان ته د ورتلو غوښتنه وکړه.
ښاغلي قیومي، د افغانستان او سریلانکا ترمنځ د اړیکو پراخېدو ترڅنګ، یادونه وکړه، چې دغه دواړه هیوادونه د اړیکو پراخېدو لپاره له ښو وړتیاوو برخمن دي. د مالیې وزارت سرپرست، د افغانستان او سریلانکا ترمنځ د مستقیم هوایي کریډور جوړېدو، چې هره اوونۍ به مسافر او سوداګریز توکې د دواړو هیوادونو ترمنځ ولېږدوي ټینګار وکړ.
د سریلانکا ولسمشر، د مالیې وزارت سرپرست له وړاندیز څخه هرکلی وکړ او ویې ویل، چې د دې هیواد د هوایي برخې رئیس ته به سپارښتنه وکړي څو د دغه وړاندیز پلي کول په پام کې ونیسي.
د مالیې وزارت سرپرست، د سریلانکا د ولسمشر له ملاتړه مننه وکړه او د تازه او وچو مېوو، قیمتي او نیمه قیمتي ډبرو، ځینو کاني موادو، کم پیدا خاورې چې په دې هیواد کې زیاته اړتیا ورته لیدل کېږي، یادونه وکړه او زیاته یې کړه، چې له هوایي کریډور وروسته کېدی شي دغه مهم توکې دې هیواد ته ولېږدول شي.
په دې سربېره ښاغلي قیومي، وویل، چې دغه دواړه هیوادونه د هوایي کریډور له پرانیستو وروسته توریسم، طبي توریسم، لوړو زده کړو او په نورو اړینو برخو کې یو له بل سره ملتیا وکړي. دغه مسئله د سریلانکا له اقتصادي ودې سره مرسته کوي او د روغتیایي خدمتونو او لوړو زده کړو په برخو کې د افغانستان لاسرسي ته لار هواروي.

خبر

همدا شان دواړو لوریو، د تولید له لارې د دوه اړخیزه او سیمه ایزې همکارۍ، برېښنا لېږد او لګښت په تړاو بحث او خبرې وکړې او ټینګار یې وکړ، چې منځنۍ اسیا له پوره انرژۍ د برخمنېدو له کبله کولی شي د سویلي اسیا د انرژۍ اړتیاوې د افغانستان له لارې پوره کړي.
د دې ترڅنګ د مالیې وزارت سرپرست، دغه موضوع د یو پنل له لارې چې د نړیوال بانک له خوا یې د کلمبو ښار په روانه اوونۍ کې کوربتوب کیده تر بحث لاندي ونیوه او د افغانستان او سریلانکا د همکاریو لارې یې روښانه کړې.
ښاغلي قیومي وویل چې د افغانستان د سولې پروسه کولی شي د مصالحې بریالیو پروګرامونو، د جګړه مارانو ادغام او همداشان د سولې روانو چارو کې د سریلانکا له تجریو څخه ګټه واخلي. د سریلانکا ولسمشر د دوه اړخیزو دفاعي همکاریو د پیل لپاره د افغانستان اړوند نظامې تجربې او تخصص د شریکولو لکه له تروریزم سره د مقابلې، د ماینونو پاکوالي، له مخدره توکو سره د مبارزې او همداشان د جګره مارانو د اغام په برخو کې خپل پوره ملاتړ اعلان کړ.

تازه خبرونه

چهارشنبه ۱۳۹۹/۳/۱۴ - ۸:۴۹
Background image

د مالیې نوماند وزیر او سرپرست د ولسي جرګې له کمېسیونونو سره په ګډه ناسته کې په ملي بودیجې کې د حکومت وړاندیز شویو تعدیلاتو او د هیواد روان مالي وضعیت په اړه توضیحات ورکړل

د مالیې نوماند وزیر او سرپرست ښاغلي عبدالهادي ارغندیوال، نن د غبرګولې میاشتې په ۱۳ مه نېټه د ولسي جرګې له کمېسیونونو سره په ګډه ناسته کې چې د مالي او بودیجوي کمېسیون په کوربتوب ترسره. . .

دوشنبه ۱۳۹۹/۳/۱۲ - ۱۷:۱۲
Background image

د مالیې وزارت نوماند وزیر او سرپرست د افغانستان په اړه د ۲۰۲۰ کال پراختیایې کنفرانس د جوړیدو په چارو کې د فنلند هیواد له ځانګړي استازي سره خبرې وکړې

د مالیې وزارت نوماند وزیر او سرپرست ښاغلي عبدالهادي ارغندیوال نن د غبرګولي میاشتې په ۱۲ مه نېټه د افغانستان په اړه د ۲۰۲۰ کال پراختیایې کنفرانس د جوړیدو په چارو کې د فنلند هیواد له. . .

شنبه ۱۳۹۹/۳/۱۰ - ۱۵:۱۱
Background image

مالیې وزارت د افغان کډوالو د داوطلبانه راتګ په موخه د سعودي عربستان سفارت او د پنا غوښتونکو لپاره د ملګرو ملتونو سازمان عالي کمیشنرۍ دفتر سره د همکارۍ هوکړه لیک لاسلیک کړ

د مالیې وزارت نوماند وزیر او سرپرست ښاغلي عبدالهادي ارغندیوال، نن د غبرګولي میاشتې په ۱۰ مه نېټه د افغان کډوالو د داوطلبانه راتګ په موخه د همکارۍ هوکړه لیک په افغانستان کې د سعودي. . .

BACK TO NEWS